தமிழ் சினிமாவின் முன்னணி நடிகர்களில் ஒருவரான ஜெயம் ரவி, சமீபத்தில் தனது பெயரை அதிகாரப்பூர்வமாக ‘ரவி மோகன்’ என மாற்றிக் கொண்டார். தற்போது அவர் நடித்து வரும் ‘ஜீனி’, ‘கரேத்தே பாபு’, மற்றும் ‘பராசக்தி’ போன்ற படங்கள் திரையரங்குகளுக்கு வரவிருக்க, ரசிகர்கள் மிகுந்த எதிர்பார்ப்பில் காத்திருக்கிறார்கள்.
கடந்த ஆண்டு, தனது மனைவி ஆர்த்தியுடன் விவாகரத்து செய்ய விரும்புவதாக ரவி மோகன் அறிவித்தார். ஆனால் ஆர்த்தி அதற்கு சம்மதிக்காமல் எதிர்ப்பு தெரிவித்து, தற்போது இந்த விவகாரம் குடும்ப நல நீதிமன்றத்தில் விசாரணை நிலைநிறுத்தப்பட்டுள்ளது.
இந்நிலையில், பிரபல பாடகி கெனிஷா பிரான்சிஸ் உடன் ரவி மோகனின் நட்பு தொடர்பாக சினிமா வட்டாரங்களில் பல்வேறு கிசுகிசுகள் எழுந்தன. இருவரும் வெறும் நண்பர்களாகவே பழகி வருகிறோம் எனக் கூறப்பட்டாலும், சமீபத்தில் வெளியான வீடியோ ஒன்று புதிய சர்ச்சையை உருவாக்கியுள்ளது.
பிரபல தயாரிப்பாளர் ஐசரி கே. கணேஷின் மகள் திருமண நிகழ்ச்சியில், ரவி மோகனும், கெனிஷா பிரான்சிஸும் ஒன்றாக கலந்து கொண்டனர். ஒரே வாகனத்தில் வந்து, ஒன்றாக அமர்ந்திருக்கும் புகைப்படம் மற்றும் வீடியோ தற்போது சமூக வலைதளங்களில் வைரலாகி வருகிறது.
இது நட்பு மட்டும் தான் என்கிறார்கள், ஆனால் ரசிகர்கள் கேள்விகள் எழுப்புகிறார்கள்!
இந்த நிகழ்வுகளால் ரவி மோகனின் தனிப்பட்ட வாழ்க்கையும், அவருடைய பட வாய்ப்புகளும் மீண்டும் மீண்டும் செய்திகளில் இடம்பிடித்து வருகின்றன.
