விழுப்புரம் ஆதிபராசக்தி பீடத்தில் 18-ம் ஆண்டு விழா சிறப்பு வேள்வி பூஜை; பக்தர்கள் பங்கேற்பு!
விழுப்புரம் பாண்டி ரோட்டில் அமைந்துள்ள ஆதிபராசக்தி சக்தி பீடத்தில் 18-ம் ஆண்டு விழா சிறப்பாக நடைபெற்றது.
உலக சமாதானம் வேண்டியும், மழை வளம் பெருகவும், இயற்கைப் பேரிடர்களைத் தவிர்க்கவும் வேண்டி சிறப்பு வேள்வி பூஜைகள் மற்றும் ஹோமங்கள் நடைபெற்றன.
இதனைத் தொடர்ந்து, பக்தர்கள் கலசங்களை ஏந்தியபடி கோயிலைச் சுற்றி வந்து அம்மனை வழிபட்டனர். பின்னர், பக்தர்களின் கைகளால் அம்மனுக்குப் புனித நீர் அபிஷேகம் நடைபெற்றது. இதில் ஏராளமான பக்தர்கள் கலந்து கொண்டு அம்மனைத் தரிசனம் செய்தனர்.
இந்த நிகழ்ச்சியில் மாவட்டத் தலைவர் மோகனகிருஷ்ணன், செயல் தலைவர்கள் சுகுமார், பொருளாளர் மணிவாசகம், வட்டத் தலைவர்கள் மணிகண்டன், ஸ்ரீகுமார், வசுந்தலா தேவி, அருள்ஜோதி, சிவகுமார் உள்ளிட்ட பலர் கலந்து கொண்டனர்.
விழாவின் நிறைவாக, கலந்து கொண்ட பக்தர்கள் அனைவருக்கும் அன்னதானம் வழங்கப்பட்டது.
