கிராம மக்களின் குரல்வளையை நெறிக்கும் தமிழக வெற்றிக்கழக அரசு – கிராமசபை கூட்டத்தில் பொதுமக்களின் கருத்துக்களை கேட்காமல் அதிகாரிகள் கூறுவதை மட்டுமே தீர்மானமாக நிறைவேற்ற வேண்டுமென அறிவுறுத்தப்பட்டுள்ளதால் பொதுமக்கள் கடும் அதிருப்தி..
கிராமசபை கூட்டம் என்பது கிராமத்தின் வளர்ச்சி மற்றும் திட்டங்களை அந்தந்த கிராம மக்களே ஒன்றுகூடி நேரில் பேசி முடிவு செய்யும் ஜனநாயகத்தின் அடிப்படை கட்டமைப்பு. இந்த கிராம சபை கூட்டத்தில் கிராமத்தில் உள்ள வாக்காளர்கள் அனைவரையும் உறுப்பினர்களாக கொண்டு செயல்படுகிறது.
தமிழ்நாட்டில் வருடத்திற்கு நான்கு முதல் ஆறு நாட்களில் கிராம சபை கூட்டம் நடத்தப்பட்டு வருகிறது. அதன்படி இன்று சுதந்திர திருநாள் என்பதால் திருவாரூர் மாவட்டத்தில் உள்ள 430 ஊராட்சிகளிலும் கிராம சபை கூட்டம் நடைபெற்றது.
இந்த நிலையில் திருவாரூர் மாவட்டத்தில் உள்ள கிராம சபைக்கூட்டத்தில் கிராம மக்களின் கருத்துக்களை கேட்டறிந்து அதனை தீர்மானமாக நிறைவேற்றக்கூடாது எனவும், அரசாங்கம் கூறியுள்ள 15 கருத்துக்களை மட்டுமே தீர்மானமாக நிறைவேற்ற வேண்டும் எனவும் ஏ டி பஞ்சாயத்து எனப்படும் ஊராட்சிகள் உதவி இயக்குனர் மூலம் அறிவுறுத்தப்பட்டுள்ளதாக கூறப்படுகிறது.
குறிப்பாக கிராம மக்களின் அடிப்படை பிரச்சினையான குடிநீர் பிரச்சனை, டாஸ்மாக் இடமாற்றம் செய்ய வேண்டும், ஓஎன்ஜிசி எண்ணைய் குழாயை அப்புறப்படுத்த வேண்டும் உள்ளிட்ட அடிப்படை கோரிக்கைகளை தீர்மானமாக நிறைவேற்ற கூடாது எனவும் அரசுக்கு எதிராக எந்த தீர்மானங்களையும் நிறைவேற்றக்கூடாது எனவும் ஊராட்சி செயலாளர்களுக்கு ஏடி பஞ்சாயத்து மூலம் அறிவுறுத்தப்பட்டதாக கூறப்படுகிறது.
இது தொடர்பான ஆடியோ தற்போது வெளியாகி பரபரப்பை ஏற்படுத்தியுள்ளது
கிராம மக்களின் குறைகளையும் பிரச்சனைகளையும் அறிந்து அதனை செயல்படுத்த ஜனநாயக முறையில் அமைக்கப்பட்டுள்ள கிராம சபை கூட்டத்தையும், தமிழக வெற்றிக் கழக அரசு மக்களின் கோரிக்கைகளை கருத்தில் கொள்ளாமல் அரசுக்கு கெட்ட பெயர் வரக்கூடாது என்பதற்காக இவ்வாறு முறைகேடான வகையில் செயல்படுவது கண்டிக்கத்தக்கது.
திருவாரூர் மாவட்டத்தில் உள்ள 430 ஊராட்சிகளிலும் நேற்று மாலையே அனைத்து ஊராட்சி செயலாளர்களுக்கும் இது தொடர்பாக ஆடியோ அனுப்பப்பட்டுள்ளதாக கூறப்படுகிறது
இந்த சம்பவம் குறித்து திருவாரூர் மாவட்ட ஊராட்சிகள் உதவி இயக்குனர் ரமேஷ் பாபு என்பவரிடம் விளக்கம் கேட்ட பலமுறை முயற்சித்த போதும் அவரை தொடர்பு கொள்ள முடியவில்லை.
