விழுப்புரம் முக்கிய சாலையின் நடுவே உள்ள கழிவுநீர் பாதாள சாக்கடை வெளியேற்றும் மோட்டார்: எம்.எல்.ஏ. டாக்டர் லட்சுமணன் நேரில் அதிகாரிகளுடன் ஆய்வு – விரைவில் தீர்வு காண நடவடிக்கை
விழுப்புரம் நகரின் முக்கிய பகுதியான ரெட்டியார்மில் பேருந்து நிறுத்தம் அருகே, காகுப்பம் சாலை திரும்பும் வளைவு பகுதியில் கழிவுநீரை பாதாள சாக்கடை வெளியேற்றும் மோட்டார் நீண்ட நாட்களாக சாலையின் நடுவே வைக்கப்பட்டுள்ளதால், வாகன ஓட்டிகள் மற்றும் பொதுமக்கள் கடும் சிரமத்தை எதிர்கொண்டு வருகின்றனர்.
குறிப்பாக, காகுப்பம் சாலைக்குள் திரும்பும் வாகனங்கள் பாதுகாப்பாக செல்ல முடியாத நிலை ஏற்பட்டுள்ளதுடன், போக்குவரத்து நெரிசல் மற்றும் விபத்து அபாயமும் அதிகரித்துள்ளதாக அப்பகுதி மக்கள் தெரிவித்தனர்.
இந்தப் பிரச்சினைக்கு உடனடி தீர்வு காண வேண்டும் என்று விழுப்புரம் சட்டமன்ற உறுப்பினர் டாக்டர் லட்சுமணன் மாவட்ட ஆட்சியரிடம் கோரிக்கை விடுத்திருந்தார்.
அதனைத் தொடர்ந்து, விழுப்புரம் சட்டமன்ற உறுப்பினர் டாக்டர் லட்சுமணன், நகராட்சி மண்டல பொறியாளர் ராஜேஷ் கண்ணா மற்றும் சம்பந்தப்பட்ட அதிகாரிகளுடன் சம்பவ இடத்திற்கு நேரில் சென்று ஆய்வு மேற்கொண்டார்.
ஆய்வின்போது, சாலையின் நடுவே அமைந்துள்ள கழிவுநீர் வெளியேற்றும் மோட்டாரை மாற்றுவது உள்ளிட்ட நிரந்தர தீர்வுகள் குறித்து அதிகாரிகளுடன் ஆலோசனை நடத்தப்பட்டது. இதனை தொடர்ந்து மம்பழம்பட்டு ரோடு கமலா நகர் பகுதிகளில் பாதாள சாக்கடை சரி செய்யப்பட்டு பழுதடைந்த தார் சாலையை செய்ய வேண்டும் சரி செய்ய வேண்டும் என வலியுறுத்தினார் .
