முதல்வர் மு.க.ஸ்டாலினை விமர்சித்த தவேகா தலைவர் விஜயின் செயல் தரத்துக்கு உட்பட்டதாக இல்லையெனத் தெரிவித்துள்ள அமைச்சர் கே.என்.நேரு, இது ஒரு தரம் தாழ்ந்த விமர்சனமாகவே பார்க்கப்பட வேண்டும் எனக் கூறினார்.
திருச்சியில் செய்தியாளர்களிடம் பேசிய அமைச்சர் நேரு, “முதல்வர் ஸ்டாலின் 40 ஆண்டுகளாக அரசியலில் உள்ளவர். ஒரு மாநிலத்தின் முதல்வர், ஒரு பெரிய கட்சியின் தலைவர். இவரைப் பற்றி இவ்வாறு பேசுவது அரசியல் நாகரிகத்திற்கு ஏற்றதல்ல,” என்றார்.
“விஜய் நேற்று தான் அரசியலுக்கு வந்திருக்கிறார். அந்த அளவிலேயே அவருடைய தராதரமும் தெரிகிறது. 10 பேர், 50 பேர் கூடிவிட்டார்கள் என்பதற்காக, மாநில முதல்வரை இழிவாக பேசுவது தவறானது. இது ஒரு தரம் தாழ்ந்த செயலாகும்,” என அவர் கண்டனம் தெரிவித்தார்.
மேலும் அவர் கூறும்போது, “இதற்கு மக்கள் தேர்தலில் சரியான பதிலை அளிப்பார்கள். நாமும் அதேபோல் தேர்தல் முறையில் பதிலளிக்கப்போகிறோம். இதிலோ ஒரு மாற்றமோ எதுவும் இல்லை,” என்றார்.
தவேகா தலைவர் விஜய், முதல்வர் ஸ்டாலினை “அங்கிள்” எனக் குறிப்பிடும் வகையில் விமர்சித்திருந்தது குறிப்பிடத்தக்கது. இந்த கூற்று, திமுக வட்டாரத்தில் கடும் எதிர்வினையை ஏற்படுத்தியுள்ளது.
