மயிலாடுதுறையில் பாரதிய ஜனதா கட்சி சார்பில், சேவை தீப ஒளி பேரணி என்ற பெயரில், தீபம் ஏற்றி கையில் தேசியக் கொடியுடன் பொங்கல் வைத்து ஏழை எளிய குழந்தைகளுக்கு நோட்டுப் புத்தகங்கள் வழங்கி கொண்டாடப்பட்டது, பாரதிய ஜனதா கட்சியினர் பங்கேற்பு:-
பாரதப் பிரதமர் நரேந்திர மோடியின் 75 வது ஆண்டு பிறந்த தினத்தை முன்னிட்டும், அவர் தலைமை பொறுப்பு ஏற்று 25 ஆண்டுகள் நிறைவு பெற்றதை முன்னிட்டும், பாரதிய ஜனதா கட்சி சார்பில் சேவை தீப ஒளி பேரணி நடைபெறும் என்று அக்கட்சித் தலைமை அறிவித்திருந்தது. அதன்படி மயிலாடுதுறை ஆரோக்கியநாதபுரத்தில் முன்னாள் மாவட்ட துணைத் தலைவர் மோடி கண்ணன் தலைமையில் அப்பகுதி மக்களோடு பொங்கல் வைக்கும் நிகழ்வு நடைபெற்றது. முன்னதாக வளர்ச்சி அடைந்த பாரதம் என்ற பெயரில் உறுதிமொழி ஏற்பு நிகழ்ச்சியும் அதனை அடுத்து சேவை தீப ஒளி பேரணி என்ற பெயரில் தீபத்தை ஏற்றி பேரணியாக வந்து பொங்கல் வைக்கப்பட்டது. இந்நிகழ்வில்
பாரதிய ஜனதா கட்சியினர் பங்கேற்று கையில் தேசிய கொடியை ஏற்றியபடி குழந்தைகளுக்கு நோட்டு புத்தகங்கள் வழங்கினர். தொடர்ந்து வந்தே மாதரம் என்று முழக்கமிட்டனர். நிகழ்வில் பாஜக நிர்வாகிகள் பொதுமக்கள் குழந்தைகள் கலந்து கொண்டனர்.
