சென்னை : எதார்த்தமான கதைகள் மூலம் தனி அடையாளம் கட்டியெடுத்த இயக்குனர் ராம், தற்போது தந்தை-மகன் உறவை நகைச்சுவை பாணியில் சொல்லும் ‘பறந்து போ’ எனும் புதிய படத்தை இயக்கியுள்ளார். இதில் மிர்ச்சி சிவா கதாநாயகனாக நடிக்க, அஞ்சலி, கிரேஸ் ஆண்டனி, அஜு வர்கீஸ் உள்ளிட்டோர் முக்கிய கதாப்பாத்திரங்களில் நடித்துள்ளனர்.
படத்திற்கு இசையமைப்பாளராக சந்தோஷ் தயாநிதி பணியாற்றியிருந்தாலும், பின்னணி இசையை யுவன் சங்கர் ராஜா வழங்கியுள்ளார்.
இப்படம் ஜூலை 4-ம் தேதி திரையரங்குகளில் வெளிவர உள்ளது. இதையொட்டி நடைபெற்ற செய்தியாளர் சந்திப்பில், இயக்குனர் ராம் பேசினார். நிகழ்வின் போது, யுவன் சங்கர் ராஜா இசையமைக்காமல் போனது குறித்து தெளிவுபடுத்தி, சமூக வலைதளங்களில் தன்னை திட்டும் யுவன் ரசிகர்களுக்கு சீரான பதிலளித்தார்.
“எனக்கும் யுவனுக்கும் எந்த மோதலும் இல்லை. ‘பறந்து போ’ படத்திற்கு இசையமைப்பாளராக யுவனைத் தேர்ந்தெடுத்தோம். அதற்கான முன்பணத்தையும் அவரிடம் கொடுத்திருந்தோம். ஆனால் அவர் அப்போது துபாயில் இருந்தார்; பல திரைப்பட வேலைகளில் நுழைந்திருந்தார். அதனால் பாடல்கள் உருவாக்க இயலாத நிலை ஏற்பட்டது,” என்றார் ராம்.
அவர் மேலும் கூறியதாவது :
“அப்போது எழுத்தாளர் மதன் கார்கி வந்தார். இந்தக் கதையில் நிறைய பாடல்களுக்கு இடம் உள்ளது, ஜிங்கிள்ஸ் மாதிரி செய்யலாம் என்று சில கார்டூன்களையும் காட்டு நினைத்தார். ஆனால் யுவனிடம் இருந்து பாடல்களை பெறுவது சிரமமாக இருந்ததால், அவரே சந்தோஷ் தயாநிதியை பரிந்துரைத்தார். பின்னணி இசையை யுவன் செய்துகொள்வதாக கூறினார். இதை எல்லாம் தெரிந்துகொள்ளாமலே, தினமும் எனக்கு திட்டி மெசேஜ் பண்ணுகிறீங்க. இனிமேல் திட்ட வேண்டாம்.”
ராமின் இந்த நேர்மையான விளக்கம் ரசிகர்களிடையே நல்ல வரவேற்பை பெற்றுள்ளது. யுவனுக்கும் ராமுக்கும் இடையில் எந்தத் தவறான புரிதலும் இல்லையென்பது இதனால் உறுதி செய்யப்பட்டுள்ளது.
