முட்டையிலிருந்து தயாரிக்கப்படும் மயோனைஸ் விற்பனைக்கு ஓராண்டு தடை விதித்து உள்ளது தமிழக அரசு. இது தொடர்பாக தமிழக அரசிதழில் வெளியிடப்பட்டுள்ளது.
முட்டையின் வெள்ளைக் கருவுடன், வெஜிடபிள் ஆயில், வினிகர் சேர்த்து மயோனைஸ் தயாரிக்கப்படுகிறது. தந்தூரி போன்ற அசைவ உணவுகள் போன்றவற்றில் ஒரு முக்கிய சேர்க்கையாக மாறியுள்ளது இந்த மயோனைஸ். இதை உட்கொள்வோருக்கு அதிக ஆபத்தை ஏற்படுத்துகிறது. இளைஞர்கள் அதிக அளவில் இதை சாப்பிடுவதால் உடல் உபாதை அடிக்கடி ஏற்படும் அபாயம் ஏற்படுகிறது.
எனவே முட்டை அடிப்படையிலான மயோனைஸின் பயன்பாடு, விற்பனை அல்லது விநியோகத்தை உடனடியாக நிறுத்த வேண்டும் என்று தமிழக அரசு தெரிவித்துள்ளது.
மேலும் இதை மீறுபவர்கள் அபராதம், உரிமம் ரத்து செய்தல் அல்லது சட்டத்தின் கீழ் சட்ட நடவடிக்கை உள்ளிட்ட கடுமையான தண்டனைகளை எதிர்கொள்வார்கள் என்று அரசு தெரிவித்துள்ளது .
மயோனைஸை விரும்பி உண்போருக்கு இதை சற்று சோக செய்தியாக அமைந்துள்ளது.
