சென்னை : சென்னையில் ஆபரணத் தங்கத்தின் விலை இன்று திடீர் வீழ்ச்சி கண்டுள்ளது. சவரனுக்கு ரூ.1,120 வரை குறைந்து, தங்கச் சந்தையில் மீண்டும் சரிவு நிலவுகிறது.
கடந்த சில நாட்களாக தங்க விலையில் ஏற்ற, இறக்கங்கள் தொடர்ந்து பதிவாகி வருகின்றன. இன்று காலை நேரத்தில் சவரனுக்கு ரூ.320 உயர்வுடன் விற்பனை செய்யப்பட்ட தங்கம், மாலை நேர வர்த்தகத்தில் திடீரென சரிவடைந்தது.
தற்போது ஒரு கிராம் தங்கம் ரூ.11,400 என்றும், ஒரு சவரன் ரூ.91,200 என விற்பனையாகி வருகிறது. இது நேற்றைய விலையை விட சவரனுக்கு ரூ.1,120 குறைவாகும்.
இதனுடன், சில்லறை சந்தையில் வெள்ளி விலையும் குறைந்துள்ளது. கிராமுக்கு ரூ.1 குறைந்து, தற்போது ஒரு கிராம் வெள்ளி ரூ.170க்கு விற்பனையாகிறது.
விலை மாற்றத்தால் நகை வியாபாரிகள் மற்றும் நுகர்வோர் இருவருமே எச்சரிக்கையுடன் வர்த்தகத்தில் ஈடுபட்டு வருகின்றனர்.
