பழைய ஓய்வூதிய திட்டத்தை செயல்படுத்த வேண்டும் உள்ளிட்ட 45 கோரிக்கை நிறைவேற்ற வலியுறுத்தி தமிழ்நாடு அரசு ஊழியர் சங்கத்தினர் திருவள்ளூர் மாவட்ட ஆட்சியர் அலுவலக நுழைவாயில் முன்பாக கோஷங்கள் எழுப்பி ஆர்ப்பாட்டத்தில் ஈடுபட்டனர்.
திருவள்ளூர் மாவட்ட ஆட்சியர் அலுவலக நுழைவாயில் முன்பாக தமிழ்நாடு அரசு ஊழியர்கள் சங்கம் சார்பில் ஆர்ப்பாட்டத்தில் ஈடுபட்டனர். இந்த ஆர்ப்பாட்டத்தில் பழைய ஓய்வூதிய திட்டத்தினை அமல்படுத்த வேண்டும். அரசு துறைகளில் காலியாக உள்ள லட்சக்கணக்கான காலிப்பணியிடங்களை உடனே நிரப்ப வேண்டும், கடந்த, 2002ல் பணி நீக்கம் செய்யப்பட்ட நெடுஞ்சாலைத்துறை சாலைப்பணியாளர்களின், 41 மாத பணி நீக்க காலத்தினை சென்னை உயர் நீதிமன்ற தீர்ப்பின்படி பணிக்காலமாக முறைப்படுத்த வேண்டும். கருணை அடிப்படையிலான பணி நியமனத்தை, 25 சதவீதமாக இருந்ததை, 5 சதவீதமாக குறைத்து பிறப்பிக்கப்பட்ட ஆணையை உடனே ரத்து செய்ய வேண்டும். பழைய பணி நியமனத்தையே அமல்படுத்த வேண்டும். புதிய மருத்துவக் காப்பீடு திட்டத்தை அரசே ஏற்று நடத்த வேண்டும். வருவாய் கிராம ஊழியர்களுக்கும், ஊராட்சி செயலர்களுக்கும். ஊர்ப்புற நூலகர்களுக்கும் அரசு ஊழியர்களுக்கான அனைத்து சலுகைகளையும் வழங்க வேண்டும், என்பன உட்பட, 45 அம்ச கோரிக்கைகளை நிறைவேற்ற வலியுறுத்தி திருவள்ளூர் மாவட்ட ஆட்சியர் அலுவலகம் நுழைவாயில் முன்பாக 100-க்கும் மேற்பட்ட தமிழ்நாடு அரசு ஊழியர்கள் சங்கத்தினர் கோஷங்கள் எழுப்பி ஆர்ப்பாட்டத்தில் ஈடுபட்டனர்.
பேட்டி : மணிகண்டன் – மாவட்ட செயலாளர் தமிழ்நாடு அரசு ஊழியர்கள் சங்கம்.
