மயிலாடுதுறையில் தமிழ்நாடு அரசு ஊழியர் சங்கம் சார்பில் பல்வேறு கோரிக்கைகளை வலியுறுத்தி ஆர்ப்பாட்டம்

மயிலாடுதுறை அருகே உளுத்துக்குப்பை கிராமத்தில் நெல் வயலில் வேளாண் கல்லூரி மாணவிகள் நடவு நட்டு களப்பயிற்சியில் ஈடுபட்ட போது உற்சாகமடைந்த மாணவிகள் நடவு பெண்மணி பாடிய பாடலைக் கேட்டு “ராசாத்தி உன்ன காணாத நெஞ்சு” என திரை இசை பாடலை கோரஸாக பாடி உற்சாகம்:-

மயிலாடுதுறை மாவட்டம் மயிலாடுதுறை தாலுகாவில் தஞ்சாவூர் டாக்டர் எம் எஸ் சுவாமிநாதன் வேளாண்மை கல்லூரி இறுதி ஆண்டு மாணவிகள் 13 பேர் கடந்த ஒரு வாரமாக களப்பயிற்சி மேற்கொண்டு வருகின்றனர். அந்த வகையில் அவர்கள் இன்று உளுத்துக்குப்பை கிராமத்தில் உள்ள அருணஜடேசன் என்ற இயற்கை விவசாயியின் வயலில் நடவு பணியில் ஈடுபட்டு களப்பயிற்சி பெற்றனர். 6 வகையான இயற்கை நெல் விதைகளை நடவு செய்தனர். தொடக்கத்தில் நெல் வயலில் சேற்றில் இறங்கவே சிரமப்பட்ட மாணவிகள் சில நிமிடங்களில் சுதாரித்துக்கொண்டு கைதேர்ந்த விவசாய தொழிலாளர்களைப் போன்று அவர்களும் நெல் நடவில் ஈடுபட்டனர். நடவு பணியின்போது மாணவிகள் நடவு செய்ய வந்ததை பார்த்த நடவு பெண்மணி உற்சாகமாக பாடல் பாடி நடவு செய்த நிலையில் அதைப் பார்த்து மகிழ்ச்சி அடைந்த மாணவிகள் வைதேகி காத்திருந்தாள் திரைப்படத்தில் “யாரோடு இங்கு எனக்கென்ன பேச்சு” என்ற ட்ரென்ட் வரிகள் வரும் “ராசாத்தி உன்ன காணாத நெஞ்சு”என்ற பாடலை பாடி உற்சாகமாக நடவு பணியில் ஈடுபட்டனர்.