சூர்யா நடிப்பில், கார்த்திக் சுப்புராஜ் இயக்கத்தில் உருவாகியுள்ள ‘ரெட்ரோ’ திரைப்படம், ரசிகர்களின் எதிர்பார்ப்பை ஏற்படுத்தியுள்ளது. இந்தப் படத்தில் சூர்யாவுடன் நடிகை பூஜா ஹெக்டே முதல்முறையாக ஜோடியாக நடித்துள்ளார். இப்படத்தில் ஜோஜு ஜார்ஜ், ஜெயராம், நாசர் உள்ளிட்ட முன்னணி நடிகர்களும் முக்கிய கதாபாத்திரங்களில் நடித்துள்ளனர்.
படத்தின் ஃபர்ஸ்ட் லுக், டீசர், ட்ரெய்லர் ஆகியவை வெளிவந்ததிலிருந்து, இது சூர்யாவுக்கான சிறப்பான கம் பேக் திரைப்படமாக அமையும் என்ற எதிர்பார்ப்பு ரசிகர்கள் மத்தியில் நிலவுகிறது.
Did you read this?
இந்நிலையில், சமீபத்தில் நடைபெற்ற ப்ரோமோஷன் நிகழ்வில், நடிகர் சூர்யா ‘ரெட்ரோ’ படத்தை பார்த்த பிறகு கூறிய விமர்சனத்தைப் பகிர்ந்துள்ளார் இயக்குனர் கார்த்திக் சுப்புராஜ்.
“படத்தை முழுமையாக பார்த்த சூர்யா, ‘நல்லா வந்துருக்கு’ என தெரிவித்ததுடன், படம் குறித்து மிகுந்த திருப்தியுடனும் மகிழ்ச்சியுடனும் இருந்தார்” என கூறினார் கார்த்திக்.
அதே நிகழ்வில், நடிகை ஜோதிகா இன்னும் படம் பார்க்கவில்லை என்றாலும், டிரெய்லரை பார்த்தபோது “செம்மையா வந்துருக்கு” என பாராட்டியதாகவும் அவர் தெரிவித்துள்ளார்.
