மயிலாடுதுறை மாவட்ட சமூக நலன் மற்றும் மகளிர் உரிமை துறை ஒருங்கிணைந்த குழந்தை வளர்ச்சிப் பணிகள் திட்டம் சார்பில் மயிலாடுதுறையில் கர்ப்பிணிப் பெண்களுக்கு சமுதாய வளைகாப்பு. மாவட்ட ஆட்சியர் ஸ்ரீகாந்த் பங்கேற்று தொடங்கி வைத்தார். 200 கர்ப்பிணி பெண்களுக்கு சீர்வரிசை பொருட்களை மாவட்ட ஆட்சியர், எம்.எல்.ஏ மற்றும் தவெக மாவட்ட செயலாளர் வழங்கினர்:-
மயிலாடுதுறையில் சமூக நலன் மற்றும் மகளிர் உரிமை துறை ஒருங்கிணைந்த குழந்தை வளர்ச்சிப் பணிகள் திட்டம் சார்பில் கர்ப்பிணி பெண்களுக்கான சமுதாய வளைகாப்பு நிகழ்ச்சி நடைபெற்றது. மாவட்ட ஆட்சியர் ஸ்ரீகாந்த் தலைமையேற்று தொடங்கி வைத்தார். மயிலாடுதுறை மற்றும் குத்தாலம் வட்டாரங்களின் சார்பில் 2026-2027 ஆம் ஆண்டிற்கான 200 கர்ப்பிணி பெண்களுக்கு சமுதாய வளைகாப்பு நடைபெற்றது. தாம்பாள தட்டு புடவை இனிப்பு வாழைப்பழம் மற்றும் மங்கல பொருட்களை மாவட்ட ஆட்சியர் ஸ்ரீகாந்த் எம்எல்ஏ ஜமால் முகமது யூனூஸ், தவெக மாவட்ட செயலாளர் கோபிநாத் வழங்கினர். இதில் மாவட்ட திட்ட அலுவலர் பிரபா, குழந்தை வளர்ச்சி திட்ட அலுவலர் கிருத்திகா மற்றும் கண்காணிப்பாளர்கள் மேற்பார்வையாளர்கள் கர்ப்பிணி பெண்களுக்கு மாலை அணிவித்து நழுங்கிட்டு கையில் காப்பு மாட்டி சமுதாய வளைகாப்பு விழா கொண்டாடப்பட்டது. பின்னர் அனைவருக்கும் மதிய உணவாக பல்வேறு வகை கலவை சாதங்கள் பரிமாறப்பட்டது குறிப்பிடத்தக்கது.
