தமிழ் சினிமாவில் இப்போது இளம் இயக்குனர்களின் காலம் வெகு ஜோராக போய்க்கொண்டிருக்கிறது. முன்னணி நடிகர்களின் படங்களை இளம் இயக்குனர்கள் இயக்கி வருகிறார்கள், மேலும் அந்த படங்கள் ரசிகர்களிடையே பெரும் வரவேற்பையும் வசூலும் பெறுகின்றன.
மாநகரம், கைதி, மாஸ்டர், விக்ரம், லியோ என அடுத்தடுத்த வெற்றிப் படங்களை உருவாக்கிய இயக்குனர் லோகேஷ் கனகராஜ், தற்போது சூப்பர் ஸ்டார் ரஜினிகாந்த் நடித்துள்ள ‘கூலி’ படத்தை இயக்கி வருகிறார். இந்த படம் விரைவில் திரையரங்குகளில் வெளியாக உள்ளது.
இந்நிலையில், இயக்குநராக தன்னை வெற்றிகரமாக நிலைநிறுத்திய லோகேஷ் கனகராஜ், தற்போது ஹீரோவாக அறிமுகமாக உள்ளார் என்ற தகவல் திரையுலகில் பரபரப்பை ஏற்படுத்தியுள்ளது. ‘கேப்டன் மில்லர்’ படத்தை இயக்கிய அருண் மாதேஸ்வரன், அவரை ஹீரோவாக நடிக்க வைக்கும் புதிய படத்தை இயக்க உள்ளதாக செய்திகள் வெளியாகியுள்ளன.
எனினும், இந்த புதிய கூட்டணியைப் பற்றிய அதிகாரப்பூர்வ அறிவிப்பு எதுவும் வெளியாகவில்லை என்பதும் குறிப்பிடத்தக்கது.
