சென்னை: கடந்த சில நாட்களாக ஏற்றத்தாழ்வுடன் காணப்பட்ட தங்கம் விலை, நேற்று சிறிய அளவில் குறைந்தது. ஒரு பவுனுக்கு ரூ.80 குறைந்து, தற்போது ரூ.72,040 ஆக உள்ளது. அதேபோல, ஒரு கிராம் தங்கம் ரூ.10 குறைந்து ரூ.9,005 என விற்பனையாகி வருகிறது.
முன்னதாக, ஏப்ரல் 22ஆம் தேதி தங்கம் விலை வரலாற்றில் இல்லாத அளவுக்கு உயர்ந்தது. அந்த நாள் மட்டும் கிராமுக்கு ரூ.275 உயர்ந்து, ஒரு கிராம் ரூ.9,290ஆகவும், பவுன் விலை ரூ.2,200 உயர்ந்து ரூ.74,320ஆகவும் பதிவு செய்யப்பட்டன.
இந்த உயர்வுக்குப் பிறகு, தங்க விலை மீண்டும் அதே அளவுக்கு (கிராமுக்கு ரூ.275, பவுனுக்கு ரூ.2,200) குறைந்து, பவுன் விலை ரூ.72,120 ஆகக் குறைந்தது. அதன் பின்னர், நேற்று மேலும் ரூ.80 குறைந்து தற்போதைய நிலையை எட்டியுள்ளது.
இதே நேரத்தில், வெள்ளி விலையில் எந்த மாற்றமும் இல்லை. ஒரு கிராம் வெள்ளி ரூ.111 என்றும், ஒரு கிலோ ரூ.1,11,000 என்றும் நிலைத்திருக்கிறது.
