மனிதர்கள் தினசரி மேற்கொள்ளும் செயல்களில் பல முக்கியத்துவம் வாய்ந்தவை இருக்கின்றன. அவற்றில் ஒன்று நகங்கள் வெட்டுவது. இது சுகாதார ரீதியாக நலம் தரும் ஒரு பழக்கமாக இருக்கிறது. ஆனால் இந்த செயலை எப்போது செய்யலாம், எப்போது தவிர்க்க வேண்டும் என்பதற்கு ஹிந்து சாஸ்திரங்களில் சில குறிப்புகள் உள்ளன.
ஜோதிடம் மற்றும் சாஸ்திரக் கோட்பாடுகளின்படி, சூரியன் மறைந்த பிறகு அல்லது இரவில் நகங்களை வெட்டக்கூடாது என கூறப்படுகிறது. இது தெய்வீக சக்தியான லட்சுமி தேவியின் அதிருப்தியை ஏற்படுத்தும் என்றும், வாழ்க்கையில் நஷ்டம் மற்றும் பிரச்சனைகள் ஏற்படும் என்றும் நம்பப்படுகிறது.
வெட்டக்கூடாத நாட்கள்:
- செவ்வாய்க்கிழமை:
செவ்வாய்க்கிழமை நகங்களை வெட்டுவது கடன்கள் அதிகரிக்கும், நிதி நிலை மோசமாவதாகும் என ஐதீகம். இது அனுமனை பிரதானமாகக் கொண்ட ஒரு ஆன்மிக நாள் என்பதால், நகங்களை வெட்ட வேண்டாம் என சாஸ்திரம் எச்சரிக்கிறது. - வியாழக்கிழமை:
இந்த நாளில் நகங்களை வெட்டுவது திருமண உறவுகளில் மனக்கசப்புகளை உருவாக்கும். கணவன் மனைவிக்கிடையிலான அன்பில் தூரம் ஏற்படும் என்று நம்பப்படுகிறது. - சனிக்கிழமை:
சனி பலன்கள் அதிகமாக செயல்படும் நாளாக கருதப்படும் சனிக்கிழமையில், நகங்களை வெட்டுவது மன உளைச்சலையும், உடல் நல பிரச்சனைகளையும் ஏற்படுத்தும் என்று கூறப்படுகிறது. - ஞாயிற்றுக்கிழமை:
வார இறுதி நாடாக உள்ள ஞாயிறு, சூரியனின் நாளாகவும் கருதப்படுகிறது. இந்த நாளில் நகங்களை வெட்டுவது வேலைவாய்ப்பில் தடைகள், தன்னம்பிக்கை குறைபாடு, ஆரோக்கியத்தில் பாதிப்பு போன்ற தீய விளைவுகளை ஏற்படுத்தும் என கூறப்படுகிறது.
வெட்டலாம் என பரிந்துரைக்கப்படும் நாட்கள்:
- திங்கட்கிழமை:
நகங்களை வெட்டுவதால் பாவம் குறையும், அறியாமை நீங்கும் என நம்பப்படுகிறது. இது சிவபெருமானுடன் தொடர்புடைய நாளாகும். - புதன்கிழமை:
புதன்கிழமை நகங்களை வெட்டுவது வாழ்க்கையில் முன்னேற்றத்துக்கு வழிவகுக்கும், நிதி வளர்ச்சி ஏற்படும், தொழில் வாய்ப்புகள் பெருகும் என ஐதீகம். - வெள்ளிக்கிழமை:
லட்சுமி தேவியின் நாளாக கருதப்படும் வெள்ளிக்கிழமை நகங்களை வெட்டுவது செல்வம், அழகு, செழிப்பு ஆகியவை அதிகரிக்கும் என நம்பப்படுகிறது.
இன்றும் பலர் நகங்களை வெட்டும் காலம், நாள் போன்றவற்றை கவனித்து செய்வது வழக்கமாகவே இருக்கிறது. இது சாஸ்திர நம்பிக்கையோடு சேர்ந்து மன அமைதி, நம்பிக்கையையும் தரும்.
ஆன்மிக நம்பிக்கையின்படி இந்த செய்தியில் குறிப்பிடப்பட்டுள்ள தகவல்கள் இடம் பெற்றுள்ளது. இதற்கு அறிவியல் விளக்கம் இல்லை.
