அறிமுக இயக்குநர் கார்த்திகேயன் மணி இயக்கத்தில் உருவான மெட்ராஸ் மேட்னி திரைப்படம், காளி வெங்கட், சத்யராஜ், ரோஷினி ஹரிபிரியன், ஷெலி, விஷ்வா உள்ளிட்டோரின் நடிப்பில் சமீபத்தில் வெளியானது. நம் அனைவரின் வாழ்வையும் பிரதிபலிக்கும் எதார்த்தமான கதைக்களத்தால் படம் ரசிகர்களிடையே நல்ல வரவேற்பைப் பெற்றுள்ளது.
திரைப்படத்தை பார்த்த பல திரைப்பிரபலங்கள், படத்தையும் படக்குழுவையும் பாராட்டி வருகின்றனர். அதில் சமீபத்தில் நடிகர் சிவகார்த்திகேயன் படக்குழுவினரை சந்தித்து வாழ்த்துத் தெரிவித்தார்.
இந்த தகவலை காளி வெங்கட் தனது எக்ஸ் பக்கத்தில், “அன்பிற்கினிய சிவகார்த்திகேயன் அவர்கள் ‘மெட்ராஸ் மேட்னி’ திரைப்படத்தை படக்குழுவினருடன் கலந்துரையாடி பாராட்டியதில் பெருமகிழ்ச்சியடைகிறோம். அன்பும் நன்றியும்” என பதிவிட்டுள்ளார்.
இப்படத்தை ட்ரீம் வாரியர் பிக்சர்ஸ் வழங்க, மெட்ராஸ் மோஷன் பிக்சர்ஸ் நிறுவனம் தயாரித்துள்ளது..
