மறைந்த தமிழக முன்னாள் முதலமைச்சர் கலைஞர் கருணாநிதியின் மூத்த மகனான மு.க. முத்து உடல்நலக்குறைவால் இன்று காலமானார். அவரின் உடல், முதலில் ஈஞ்சம்பாக்கத்தில் உள்ள அவரது இல்லத்திற்கு கொண்டு வரப்பட்டு, பின்னர் கோபாலபுரத்தில் உள்ள இல்லத்தில் திமுக நிர்வாகிகள் மற்றும் பொதுமக்கள் அஞ்சலிக்காக வைக்கப்பட்டுள்ளது.
மு.க. முத்துவின் இறுதி ஊர்வலம் இன்று மாலை நடைபெறவுள்ளது. பின்னர் சென்னை பெசன்ட் நகர் மின் மயானத்தில் அவரது உடல் நல்லடக்கம் செய்யப்படும் என அறிவிக்கப்பட்டுள்ளது.
மு.க. முத்துவின் மறைவுக்கு அரசியல் மற்றும் திரையுலகத்தை சேர்ந்த பலரும் இரங்கல் தெரிவித்து வருகின்றனர். இந்த நிலையில், பிரபல நடிகர் விக்ரம் மற்றும் அவரது மகன் துருவ் விக்ரம் இன்று மு.க. முத்துவின் உடலுக்கு நேரில் சென்று அஞ்சலி செலுத்தினர்.
குறிப்பாக, நடிகர் விக்ரம் தனது மகள் அக்ஷிதாவை, மு.க. முத்துவின் பேரனும், இயக்குநருமான மனு ரஞ்சித்துடன் திருமணம் செய்து வைத்தது குறிப்பிடத்தக்கது.
