மயிலாடுதுறை மாயூரநாதர் ஆலயத்தில் கந்தசஷ்டிவிழா 6ஆம் திருநாளில் ஶ்ரீசுப்ரமணியசுவாமி எங்கும் இல்லாத வகையில் ஶ்ரீகெளரி மாயூரநாதரிடம் வஜ்ராயுதத்தை பெற்று மயில் வாகனத்தில் எழுந்தருளி சூரபத்மனை சம்ஹாரம் செய்யும் சூரசம்ஹாரம் நிகழ்ச்சி நடைபெற்றது. ஆயிரக்கணக்கான பக்தர்கள் பங்கேற்று தரிசனம் செய்தனர்:-
மயிலாடுதுறையில் திருவாவடுதுறைக்கு சொந்தமான மாயூரநாதர் கோயிலில் உள்ள தருமபுரம் ஆதீனத்துக்குச் உட்பட்ட குமரக்கட்டளை ஸ்ரீசுப்பிரமணிய சுவாமி சன்னதி உள்ளது. இவாவலயத்தின் கந்தசஷ்டி விழாவை முன்னிட்டுயை சூரசம்ஹார விழா நடைபெற்றது. மூலவர் தங்க கவச அலங்காரத்தில் பக்தர்களுக்கு காட்சசி அளித்த நிலையில் ஶ்ரீ வள்ளி தேவசேனா சமேத சுப்ரமணிய சுவாமி உற்சவர் மூலஸ்தானத்தின் முன்பு எழுந்தருளி மூலவர், உற்சவர் எதிரேதிரே மங்கள தீபாரதனை நடைபெற்றது. முருகப்பெருமான் அம்பாளிடம் சத்யாயுத வேல் வாங்கும் நிலையில் இவ்வாலயத்தில் எங்கும் இல்லாத வகையில் ஶ்ரீகெளரி மாயூரநாதர் பெருமானிடம் மகாமண்டபத்தில் கலசங்கள் பூஜை செய்து வேலுக்கு சிறப்பு அபிஷேகங்கள் செய்து முருகப்பெருமான் கெளரி மாயூரநாதரிடம் வஜ்ராயத வேல் பெறும் நிகழ்ச்சி நடைபெற்றது. தொடர்ந்து குமரக்கட்டளை மண்டபத்தில் மயில் வாகனத்தில் ஶ்ரீ வள்ளி தேவசேனா சமேத சுப்ரமணிய சுவாமி எழுந்தருளினார். சோடச தீபாரதனை மகாதீபாரதனை நடைபெற்றது. தொடர்ந்து யாகசாலை பூஜைகள் பூரணாகுதி செய்யப்பட்டு கீழரதவீதியில் பத்மாசூரனை வதம் செய்யும் நிகழ்ச்சி நடைபெற்றது. விநாயகர், சிங்கம் அசுரன் வடிவில் வந்த சூரபத்மனை முருகப்பெருமான் வஜ்ராயுதத்தால் சம்ஹாரம் செய்தார். தொடர்ந்து சூரபத்மனை வதம் செய்த முருகப்பெருமானை சாந்தப்படுத்தும் வகையில் நெய்வேத்திய படையலிட்டு வழிபாடு செய்யப்பட்டது. இதில் ஆயிரக்கணக்கான பக்தர்கள் கலந்து கொண்டு முருகனுக்கு அரோகரா, வெற்றிவேல் முருகனுக்கு அரோகரா என்ற பக்தி முழக்கத்துடன் சூரசம்ஹார விழாவை கண்டு தரிசனம் செய்தனர். இதில் தருமையாதீன குமரக்கட்டளை ஶ்ரீமத் சுப்ரமணிய தம்பிரான் சுவாமிகள், மாவட்ட நீதிபதி உள்ளிட்ட ஏராளமான ஆயிரக்கணக்கான பக்தர்கள் கலந்து கொண்டு தரிசனம் செய்தனர். தொடர்ந்து முருகப்பெருமான் வீதியுலா நடைபெற்றது.







