பொறையார் அரசு மருத்துவமனையில் ஆயிரக்கணக்கான நோயாளிகள் வரும் நிலையில் ஒரே மருத்துவர் இருப்பதால் கடும் அவதியில் நோயாளிகள் பொதுமக்கள் மாவட்ட நிர்வாகம் உடனடியாக கூடுதல் மருத்துவர் நியமிக்க நடவடிக்கை வேண்டும் கோரிக்கை.
மயிலாடுதுறை மாவட்டம் தரங்கம்பாடி தாலுக்கா பொறையாறில் உள்ள பொறையார் அரசு மருத்துவமனையானது தரங்கம்பாடி தாலுக்கா அளவில் முக்கிய அரசு மருத்துவமனையாக உள்ளது குறிப்பாக தரங்கம்பாடி பேரூராட்சி மற்றும் சுற்றியுள்ள 20க்கும் மேற்பட்ட ஊராட்சி பகுதிகளை சேர்ந்த ஆயிரக்கணக்கான மக்கள் நாள்தோறும் இந்த மருத்துவமனைக்கு சிகிச்சை பெறுவதற்காக வருகின்றனர் தரங்கம்பாடி தாலுகாவில் தலைமை மருத்துவமனையாக உள்ளது நாள்தோறும் காலை முதலே நூற்றுக்கணக்கான பொதுமக்கள் நோயாளிகள் நீண்ட வரிசையில் காத்திருந்து சிகிச்சை பெறுவதற்காக உள்ளனர் தற்பொழுது இந்த அரசு மருத்துவமனையில் அரசு மருத்துவர் ஒருவர் மட்டுமே உள்ளதாகவும் அனைத்து நோய்களுக்கும் அவர் மட்டுமே சிகிச்சை அளிப்பதாகவும் குறிப்பாக அவசர சிகிச்சை மகப்பேறு விபத்து சிகிச்சைகளுக்கு நோயாளிகள் அழைத்து வரும்போது முறையாக மருத்துவம் பார்க்க முடியாத நிலை ஏற்படுவதாகவும் இதனால் வெளி மருத்துவமனைகளுக்கு அனுப்பி வைக்கப்படுவதாகவும் இந்த சூழ்நிலையில் உயிரிழப்பு ஏற்படக்கூடிய நிலை உருவாகியுள்ளதாகவும் பொதுமக்கள் குற்றம் சாட்டுகின்றனர் இன்று காலை முதலே பல நூற்றுக்கணக்கான நோயாளிகள் சிகிச்சை பெறுவதற்காக நீண்ட வரிசையில் பல மணி நேரம் காத்து நின்றனர் இதனால் மருத்துவமனையில் கூட்டம் அலைமோதியது ஒரு மருத்துவர் மட்டுமே சிகிச்சை அளிப்பதால் நீண்ட நேரம் காத்திருக்கக்கூடிய சூழல் உள்ளதாகவும் பல நோயாளிகள் மருத்துவம் பார்க்க முடியாமல் திரும்பி செல்லக்கூடிய நிலை உள்ளதாகவும் வேதனையுடன் தெரிவிக்கின்றனர் மேலும் மருத்துவமனை வராண்டா பகுதிகளில் படுக்கைகள் அமைக்கப்பட்டு அதில் நோயாளிகளுக்கு சிகிச்சை அளிக்கப்படுகிறது பல சிகிச்சை முறைகள் இருந்தும் முறையாக பயன்படுத்துவதில்லை எனவும் பொதுமக்கள் குற்றம் சாட்டுகின்றனர் எனவே இந்த மருத்துவமனையை நம்பி ஆயிரக்கணக்கான நோயாளிகள் பொதுமக்கள் உள்ளதாகவும் கூடுதல் மருத்துவரை நியமிக்க வேண்டும் கூடுதல் மருந்துகள் இருப்பு வைக்க வேண்டும் எனவும் மாவட்ட நிர்வாகத்திற்கு பொதுமக்கள் கோரிக்கை விடுத்துள்ளனர்.







