கொளத்தேரி ஊராட்சியில் ரூ.25.48 லட்சம் மதிப்பில் குளம் வெட்டும் பணி – மாவட்ட ஆட்சியர் நேரில் ஆய்வு!
வளர்ச்சியடைந்த பாரதம் கிராம வேலை உறுதி மற்றும் வாழ்வாதாரத் திட்டத்தின் கீழ் நடைபெறும் பணிகளை ஆய்வு செய்தார்.
ராணிப்பேட்டை மாவட்டம், சோளிங்கர் ஊராட்சி ஒன்றியத்திற்கு உட்பட்ட கொளத்தேரி ஊராட்சியில், வளர்ச்சியடைந்த பாரதம் கிராம வேலை உறுதி மற்றும் வாழ்வாதாரத் திட்டத்தின் (VB-G RAM G) கீழ் ரூ.25.48 லட்சம் மதிப்பீட்டில் புதிதாகக் குளம் வெட்டும் பணிகள் நடைபெற்று வருகின்றன.
இப்பணிகளை ராணிப்பேட்டை மாவட்ட ஆட்சியர் ந. பிரியா நேரில் சென்று பார்வையிட்டு ஆய்வு மேற்கொண்டார். அப்போது, குளம் வெட்டும் பணிகளின் தற்போதைய நிலை, பணிகளின் தரம், மேற்கொள்ளப்பட்டுள்ள நடவடிக்கைகள் மற்றும் திட்டத்தின் செயல்பாடுகள் குறித்து அதிகாரிகளிடம் கேட்டறிந்தார்.
மேலும், குளம் அமைக்கும் பணிகளைத் திட்டமிட்டபடி விரைந்து முடிக்கவும், நிர்ணயிக்கப்பட்ட தரத்துடன் பணிகளை மேற்கொள்ளவும் சம்பந்தப்பட்ட அலுவலர்களுக்கு அறிவுறுத்தினார்.
இந்தக் குளம் அமைக்கப்படுவதன் மூலம் மழைக்காலங்களில் மழைநீரைச் சேமிக்கவும், நிலத்தடி நீர்மட்டத்தை உயர்த்தவும், சுற்றுவட்டாரப் பகுதிகளின் நீர்வளத்தை மேம்படுத்தவும் உதவியாக இருக்கும் எனவும் இதனால் விவசாயம் மற்றும் பொதுமக்களின் நீர்த் தேவைக்கும் பயனளிக்கும் வகையில் இத்திட்டம் அமையும். என்றார்
இந்த ஆய்வின்போது வட்டார வளர்ச்சி அலுவலர் சிவப்பிரகாசம், பொறியாளர் கண்ணன், ஊராட்சி செயலாளர் இருசன் மற்றும் ஊரக வளர்ச்சித் துறை அலுவலர்கள் உடனிருந்தனர் மாவட்ட செய்தியாளர் ஆர்ஜே. சுரேஷ்குமார்
