திருவாரூர் மாவட்டத்தில் வெளியிட்ட இறுதி வாக்காளர் பட்டியலில் எஸ் ஐ ஆர் க்கு முன்பு 946097 வாக்காளர்கள் இடம் பெற்றிருந்த நிலையில் , தற்போது 979652 வாக்காளர்கள் இடம் பெற்றுள்ளனர்..
திருவாரூர் பிப்,13-திருவாரூர் மாவட்டத்தில் அனைத்துக்கட்சி நிர்வாகிகள் முன்பு திருவாரூர் மாவட்ட ஆட்சித் தலைவர் மோகனசந்திரன் இறுதி வாக்காளர் பட்டியலை வெளியிட்டார். இன்று வெளியிடப்பட்ட இறுதி வாக்காளர் பட்டியலில், மொத்தம் 480679 ஆண்களும், 498919 பெண்கள், 54 இதர வாக்காளர்கள் என மொத்தம் 979652 வாக்காளர்கள் இடம்பெற்றுள்ளனர். கடந்த 2025 ஆம் ஆண்டு டிசம்பர் மாதம் வெளியிடப்பட்ட இறுதி வாக்காளர் பட்டியலில் 465933 ஆண் வாக்காளர்கள், 480111 பெண் வாக்காளர்கள், 53 இதர வாக்காளர்கள் இடம் பெற்றிருந்த நிலையில், சிறப்பு தீவிர திருத்தத்தின்படி மேற்கொள்ளப்பட்ட வாக்காளர் சேர்ப்பு மற்றும் நீக்கலுக்கு பிறகு தற்போது திருவாரூர் மாவட்டம் முழுவதும் 480679 ஆண்களும், 498919 பெண்கள், 54 இதர வாக்காளர்கள் என மொத்தம் 979652 வாக்காளர்கள் இடம் பெற்றுள்ளனர்.
இதே போல திருவாரூர் மாவட்டத்தில் உள்ள நான்கு சட்டமன்றத் தொகுதி வாரியலான நிலவரப்படி..
திருத்துறைப்பூண்டி சட்டமன்ற தொகுதியில் 111001 ஆண் வாக்காளர்களும், 114348 பெண் வாக்காளர்கள், இதர வாக்காளர்கள் 14 பேர் என மொத்தம் 225363 வாக்காளர்களும், மன்னார்குடி சட்டமன்ற தொகுதியில் 112530 ஆண் வாக்காளர்களும், 119401 பெண் வாக்காளர்களும் 4 இதர வாக்காளர்கள் என மொத்தம் 231935 வாக்காளர்களும், திருவாரூர் சட்டமன்ற தொகுதியில் 126054 ஆண் வாக்காளர்கள், 131818 பெண் வாக்காளர்கள், 20 இதர வாக்காளர்கள் என மொத்தம் 257892 வாக்காளர்களும், நன்னிலம் சட்டமன்ற தொகுதியில் 131094 ஆண் வாக்காளர்கள், 133352 பெண் வாக்காளர்கள், 16 இதர வாக்காளர்கள் என மொத்தம் 264462 வாக்காளர்களும் இடம்பெற்றுள்ளனர்.
