நடிகர் விஜய் நடிப்பில் ஹெச். வினோத் இயக்கத்தில் உருவாகி வரும் ‘ஜனநாயகன்’ திரைப்படம்’ மிகப்பெரிய எதிர்பார்ப்பை கிளப்பியுள்ளது. விஜயின் கடைசி படமாக உருவாகும் இந்தப் படம் ஜனவரி 9, பொங்கல் திருநாளை முன்னிட்டு திரைக்கு வரவுள்ளது.
பூஜா ஹெக்டே, மமிதா பைஜு, ப்ரியாமணி, பிரகாஷ் ராஜ், பாபி தியோல், கௌதம் மேனன் உள்ளிட்ட பலரும் முக்கிய கதாபாத்திரங்களில் நடித்துள்ளனர். அனிருத் இசையமைக்கும் இப்படத்தின் ஒளிப்பதிவை சத்யன் சூர்யன் மேற்கொண்டு வருகிறார்.
கடந்த குடியரசு தினத்தில் ‘ஜனநாயகன்’ படத்தின் தலைப்பு மற்றும் ஃபர்ஸ்ட் லுக் போஸ்டர்கள் வெளியிடப்பட்டன. அதன்பின், விஜய் பிறந்தநாளான ஜூன் 22-ம் தேதி சிறப்பு ‘க்ளிம்ப்ஸ் வீடியோ’ வெளியானது. அதன் பிறகு எந்த அப்டேட்டும் வெளியாகாமல் இருந்த நிலையில், இப்போது ரசிகர்களுக்கு மகிழ்ச்சி அளிக்கும் புதிய தகவல் வெளிவந்துள்ளது.
சினிமா வட்டாரங்களில் வெளியாகும் தகவலின்படி, ‘ஜனநாயகன்’ படத்தின் முதல் சிங்கிள் நவம்பர் முதல் வாரத்தில் வெளியாகும் என கூறப்படுகிறது. “தளபதி கச்சேரி” எனும் தலைப்பில் இந்த பாடலை விஜயே பாடியிருக்கிறார் என சில மாதங்களுக்கு முன்பு தகவல் வெளியாகியிருந்தது.
இந்த பாடல் ஃபர்ஸ்ட் சிங்கிளாகவே வருகிறதா என்ற தகவல் அதிகாரப்பூர்வமாக உறுதி செய்யப்படாதபோதும், ‘ஜனநாயகன்’ முதல் சிங்கிள் நவம்பரில் வெளியாகும் என்பதில் ரசிகர்களிடையே உற்சாகம் அதிகரித்து வருகிறது.
