பிரபல இயக்குனர் ஏ.ஆர். முருகதாஸ் இயக்கத்தில் சிவகார்த்திகேயனின் ‘மதராஸி’ திரைப்படம் வெளியாவுள்ளது. இந்த படத்தில் சிவகார்த்திகேயனுடன் ருக்மிணி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் ஆகியோர் முக்கிய வேடங்களில் நடித்துள்ளனர். இப்படத்திற்கு அனிருத் இசையமைத்துள்ளார். வருகிற செப்டம்பர் 5-ம் தேதி இப்படம் திரையரங்குகளில் வெளியாகும் என படக்குழு அறிவித்துள்ளது.
‘மதராஸி’ திரைப்படம், கஜினி படத்தின் திரைக்கதை மாந்திரிகையும் துப்பாக்கி படத்தின் ஆக்ஷன் அம்சங்களையும் இணைத்து உருவாக்கப்பட்டுள்ளதாக இயக்குனர் ஏ.ஆர். முருகதாஸ் தெரிவித்துள்ளார். இதனால் படம் மீது ரசிகர்களிடம் பெரும் எதிர்பார்ப்பு உருவாகியுள்ளது. சில வாரங்களுக்கு முன் வெளியான முதல் சிங்கிள் ‘சலம்பல’ பாடல் வைரலானது.
தற்போது, படக்குழு ப்ரோமோஷன் பணிகளைத் தொடங்கியுள்ளது. அதன் ஒரு பகுதியாக, படத்தின் ஆக்ஷன் காட்சிகளின் பின்தள (BTS) வீடியோ வெளியிடப்பட்டுள்ளது. மேலும், ‘மதராஸி’ படத்தின் டீசர் விரைவில் வெளியாகும் என எதிர்பார்க்கப்படுகிறது.
மேலும் இயக்குனர் சுதா கொங்கரா இயக்கத்தில் உருவாகும் ‘பராசக்தி’ திரைப்படத்தில் நடித்துவருகிறார். இந்த படத்தில் அதர்வா, ஸ்ரீலீலா, ரவி மோகன், பாசில் ஜோசப் ஆகியோர் முக்கிய கதாபாத்திரங்களில் நடிக்கின்றனர். அடுத்த ஆண்டு பொங்கல் பண்டிகையையொட்டி படம் வெளியாகும் என எதிர்பார்க்கப்படுகிறது.
