மயிலாடுதுறையில் ஜனநாயகன் படத்தின் சிறப்பு காட்சிக்கான நூற்றுக்கணக்கான டிக்கெட்டை இலவசமாக வழங்கிய தவெகவினர்:-
தமிழக முதலமைச்சர் ஜோசப் விஜய் நடித்துள்ள இறுதி திரைப்படமான ஜனநாயகன் நாளை உலகம் முழுவதும் பல்வேறு தடைகளை தாண்டி வெளியாக உள்ளது. இதனை முன்னிட்டு அவரது ரசிகர்கள் மற்றும் தவெகவினர் பல்வேறு கொண்டாட்டத்தில் ஈடுபட்டு வருகின்றனர். இதனிடையே மயிலாடுதுறையில் விஜயா மற்றும் எல்ஏ கோமதி ஆகிய இரண்டு திரையரங்குகளில் ஜனநாயகன் திரைப்படம் வெளியாகிறது. இதனை முன்னிட்டு தவெக சார்பில் நூற்றுக்கணக்கான மக்களுக்கு முதல் சிறப்பு காட்சிக்கான டிக்கெட் முற்றிலும் இலவசமாக வழங்கப்பட்டது. மாவட்டச் செயலாளர் கோபிநாத் தலைமையில் கட்சிப் பொறுப்பாளர்கள் நகரில் முக்கிய பகுதிகளில் சாலையோரம் கடை வைத்து வியாபாரம் செய்துவரும் சிறு தொழிலாளர்கள் , பொதுமக்கள்மற்றும் கூலி தொழிலாளர்களுக்கு நேரடியாக சென்று இலவச டிக்கெட்டுகளை வழங்கினர். அதனைத் தொடர்ந்து அவர்களுக்கு இனிப்புகள் வழங்கி தங்களது மகிழ்ச்சியை வெளிப்படுத்தினர். மேலும் ஏராளமான விஜய் ரசிகர்கள் மற்றும் தவெக நிர்வாகிகளுக்கு இலவசமாக முதல் காட்சிக்கான டிக்கெட் வழங்கினர். அனைத்து தரப்பு மக்களுக்கும் மயிலாடுதுறை மாவட்ட தவெக சார்பில் இலவசமாக டிக்கெட் வழங்கப்பட்ட நிகழ்வு அனைவரது கவனத்தையும் வைத்துள்ளது.
