ஆக்கூர், மற்றும் பொறையாரில் மாற்றுத்திறனாளிகள் கண்டன ஆர்ப்பாட்டம்!
வெற்றிப் பயணப் பேருந்துகளில் இலவசப் பயணச் சலுகை வழங்க அரசாணை வெளியிடக் கோரிக்கை!
மயிலாடுதுறை மாவட்டம், தரங்கம்பாடி தாலுகாவிற்கு உட்பட்ட ஆக்கூர் மற்றும் பொறையார் பகுதிகளில், தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கம் சார்பில் கண்டன ஆர்ப்பாட்டம் நடைபெற்றது.
ஆக்கூர் பேருந்து நிறுத்தம் எதிரிலும், பொறையார் புதிய பேருந்து நிலையத்திலும் நடைபெற்ற இந்த ஆர்ப்பாட்டத்தில், வெற்றிப் பயணப் பேருந்துகளில் மாற்றுத்திறனாளிகள் மற்றும் அவர்களின் பாதுகாவலர்களுக்கு இலவசப் பயணச் சலுகை வழங்குவதற்கான அரசாணையை உடனடியாக வெளியிட வேண்டும் என வலியுறுத்தப்பட்டது.
இந்த ஆர்ப்பாட்டத்தில் சங்க நிர்வாகிகள் மற்றும் ஏராளமான மாற்றுத்திறனாளிகள் கலந்து கொண்டு, தங்களது கோரிக்கைகளை உடனடியாக நிறைவேற்ற வலியுறுத்தி கண்டன முழக்கங்களை எழுப்பினர்
