“ஸ்டாலின் தொடரட்டும்” என்ற பாடலுக்கு விழுப்புரம் மாவட்ட நிர்வாகிகள் ஆலோசனைக் கூட்டத்தில் கருப்பு சிவப்பு துண்டை சுழற்றி உற்சாகமாக நடனமாடிய திமுக மகளிர் அணியினர் – முதல்வர்க்கு நன்றி தெரிவிக்கும் விதமாக பிறந்த நாளை கொண்டாட வேண்டும் என தீர்மாணம் நிறைவேற்றம்
விழுப்புரம் மத்திய மாவட்ட திமுக நிர்வாகிகள் செயல்வீரர் மற்றும் ஆலோசனைக் கூட்டம் மாவட்ட பொறுப்பாளரும் விழுப்புரம் எம்எல்ஏ வுமான டாக்டர் லட்சுமணன் தலைமையில் விழுப்புரம் கலைஞர் அறிவாலயத்தில் நடைபெற்றது. கூட்டத்தில் மாவட்ட ஒன்றிய நகர ,கிளை நிர்வாகிகள் என ஆயிரத்திற்கும் மேற்பட்டோர் கழுத்தில் கருப்பு, சிவப்பு துண்டை அணிந்து பங்கேற்றனர். கூட்டத்தில் தமிழக முதல்வர் மு க ஸ்டாலின் அவர்களின் 73 ஆவது பிறந்தநாளை ஐந்தாண்டில் தமிழக மக்களுக்கு செய்துள்ள திட்டங்களுக்கு நன்றி சொல்லும் விழாவாக ஒவ்வொரு பகுதிகளிலும் இனிப்பு வழங்கி கட்சி கொடி ஏற்றி மக்களுக்கு தேவையான நலத்திட்டங்களை வழங்கி மக்கள் திட்டங்களை பொதுமக்களிடம் எடுத்துக் கூறி கொண்டாட வேண்டும் என இந்த கூட்டத்தில் தீர்மானங்கள் நிறைவேற்றப்பட்டன.
கூட்டத்தில் பேசிய டாக்டர் லட்சுமணன் எம்.எல்.ஏ தமிழ்நாட்டில் தமிழக முதல்வர் பொறுப்பேற்றத்தில் இருந்து, இல்லம் தேசி கல்வி, மக்களை தேடி மருத்துவம், பள்ளியில் காலை உணவு திட்டம் என பல்வேறு மக்களுக்கான திட்டங்களை தொடர்ந்து நிறைவேற்றி வருகிறார். உரிமைத்தொகை, விடியல் பயணம், தோழி விடுதி, மாணவிகளுக்கான மாதந்தோறும் ஆயிரம் பெண் பெயரில் பத்திர பதிவு செய்தால் கட்டணம் குறைவு போன்ற எண்ணற்ற திட்டங்களை செய்து வருவதாக பட்டியலிட்டவர், வரும் பிறந்த நாளை முதலமைச்சர்க்கு நன்றி தெரிவிக்கும் விழாவாக கொண்டாடி மீண்டும் அவரை முதல்வர் ஆக செய்துள்ள சாதனை திட்டங்களை மக்களிடம் எடுத்துக் கூற வேண்டும் என்று கட்சியை நிர்வாகிகளை கேட்டுக்கொண்டார்
இக்கூட்டத்தில் “ஸ்டாலின் தொடரட்டும்” என்ற பாடலுக்கு அனைவரும் கருப்பு, சிவப்பு துண்டை சுழற்றி உற்சாகமடைந்த நிலையில் மேடைக்கு வந்த மகளிரணியினர் உற்சாகமாக நடனமாடி தங்களுடைய மகிழ்ச்சியை வெளிப்படுத்தினர்
