தமிழகத்தில் பொய்கால் குதிரை தவெக அரசு குதிரை பேரம் பேசி அதிமுக சட்டமன்ற உறுப்பினர்களை விலைக்கு வாங்கி வருவதாகவும்,திமுக குடும்ப ஆட்சி முடிந்த நிலையிலும் தற்போது புதியதாக ஆட்சியமைத்திருக்கும் விஜய் தனது துணைவியாருடன் வந்து பதவி ஏற்றதாகவும்,துணைவியாரும் கண்ணீருடன் கையட்டி கொண்டு பதவியேற்பிற்கு வந்ததாக நடிகை திரிஷாவை விழுப்புரம் அதிமுக மாவட்ட செயலாளர் பசுபதி விமர்சனம் செய்துள்ளார்
விழுப்புரம் மாவட்டத்தில் புதிய அதிமுக மாவட்ட செயலாளராக பசுபதி நியமிக்கப்பட்டதை தொடர்ந்து கோலியனூரிலுள்ள தனியார் மண்டபத்தில் கோலியனூர் ஒன்றிய நிர்வாகிகள் கூட்டம் மாவட்ட செயலாளர் பசுபதி தலைமையில் நடைபெற்றது. அப்போது கூட்டத்தில் பேசிய பசுபதி விழுப்புரம் மாவட்ட அதிமுகவில் 20 ஆண்டு காலத்திற்கு மேலாக சிவி சண்முகம் தலைமையில் மன்னராட்சி நடைபெற்று வந்தது இப்போது எடப்பாடி பழனிச்சாமியால் மக்களாட்சியாக மாறியுள்ளதாகவும் வேண்டுமென்றே விழுப்புரம் மாவட்டத்தில் மூன்று தொகுதிகளில் தோல்வியடைய செய்தவர் சிவி சண்முகம், தான் வெற்றி பெற்றால் மட்டும் போதுமென செயல்படுவதாகவும் அதேபோன்று எஸ் பி வேலுமணி,தங்கமணி போன்றோர்களால் 60 தொகுதிகளுக்கு மேல் தோல்வியடைந்ததாக தெரிவித்தார்.
ஆதிமுகவிற்கு துரோகம் செய்தவர்கள் அம்மாவின் ஆன்மா சும்மா விடாது, தெருவில் தான் நிற்பார்கள் என தெரிவித்தவர்,தற்போது நடந்து வரும் தவெக பொய்க்கால் குதிரை அரசு அதிமுகவில் இருப்பவர்களை லாட்டரி சீட்டு பணம் கொடுத்து குதிரை பேரம் நடத்தி விலைக்கு வாங்கிக்கொண்டு இருப்பதாகவும் இந்த ஆட்சி ஒரு ஆண்டிற்கு மேல் நிலைக்காது என்று கூறிய அவர் செய்தியாளர்களை சந்திக்க முடியாமல் தலையை சாய்த்து கொண்டு செல்லும் முதலமைச்சர் விஜய் சட்டமன்றத்தில் எப்படி எதிர்க்கட்சி விவாதங்களில் பதிலளிப்பார் என கேள்வியெழுப்பினார்.
சிவி சண்முகம் தவெகவிக்கு சென்றவுடன் அமைச்சர் பதவி பெற்று அவரது ஆதரவாளர்களுக்கு பதவி ,பணம் ஆசை காட்டி குழப்பத்தை ஏற்படுத்தி வருவதாகவும் திமுக குடும்ப ஆட்சி முடிந்த நிலையிலும் தற்போது புதியதாக ஆட்சியமைத்திருக்கும் விஜய் தனது துணைவியாருடன் வந்து பதவி ஏற்றதாகவும்,துணைவியாரும் கண்ணீருடன் கையட்டி கொண்டு பதவியேற்பிற்கு வந்ததாக நடிகை திரிஷாவை விழுப்புரம் அதிமுக மாவட்ட செயலாளர் பசுபதி விமர்சனம் செய்துள்ளார்.
