தமிழ் சினிமாவில் முன்னணி கதாநாயகனாக தனக்கென தனி ரசிகர்களை உருவாக்கி வருபவர் சூர்யா. தற்போது அவர், கார்த்திக் சுப்புராஜ் இயக்கும் ‘ரெட்ரோ’ என்ற படத்தில் நடித்துள்ளார். இந்த படம் மே 1 ஆம் தேதி அதாவது இன்று திரையரங்குகளில் வெளிவந்துள்ளது.
பிரம்மாண்டமான இந்த படத்தில், சூர்யாவுடன் நாயகியாக பூஜா ஹெக்டே நடித்துள்ள நிலையில், ஜோஜூ ஜார்ஜ், ஜெயராம், நாசர், பிரகாஷ் ராஜ், கருணாகரன், நந்திதா தாஸ் உள்ளிட்ட பல முன்னணி நடிகர்களும் இணைந்துள்ளனர்.
படத்தின் இசை ஏற்கனவே ரசிகர்களிடம் பெரிய வரவேற்பைப் பெற்றுள்ளது. குறிப்பாக, வெளியான ஒவ்வொரு பாடலும் YouTube, Spotify போன்ற தளங்களில் டிரெண்ட் ஆனது. இதனால், படத்தின் மீது ரசிகர்கள் கொண்டிருந்த எதிர்பார்ப்பு இன்னும் அதிகரித்தது.
அனிருத் வைரல் பதிவு :
இந்நிலையில், பிரபல இசையமைப்பாளர் அனிருத், ‘ரெட்ரோ’ படக்குழுவுக்கு தனது வாழ்த்துக்களை தெரிவித்து, சமூக வலைதளங்களில் ஒரு பதிவை பகிர்ந்துள்ளார்.
அதில், “கார்த்திக் சுப்புராஜ் சாரின் ரெட்ரோ – ஒரு வித்தியாசமான முயற்சி! சூர்யா சார் வரலாற்றில் இன்னொரு திருப்புமுனை. முழு குழுவுக்கும் என் மனமார்ந்த வாழ்த்துகள்!” என குறிப்பிட்டுள்ளார்.
