காரைக்கால் :
சைவநெறியில் உயர் மரியாதை பெற்ற காரைக்கால் அம்மையார் பிறந்த ஊரிலேயே, அவருக்கு தனிக் கோயில் கட்டப்பட்டு வழிபாடு நடைபெற்று வருகிறது. இந்த ஆலயத்தில் காரைக்கால் அம்மையாரே மூலவராக அருள்பாலிக்கிறார்.
பகவான் சிவனின் அடியாராக வந்த ஈசனுக்கு புனிதவதி சமைத்த மாங்கனி சாத்தியமும், அதனை நினைவுகூரும் வகையிலும் ஆண்டுதோறும் ஆனி மாத பவுர்ணமி நாளில் மாங்கனித் திருவிழா மிக விமரிசையாக கொண்டாடப்படுகிறது.
இந்த ஆண்டுக்கான திருவிழா இன்று தொடங்கி மூன்று நாள்கள் நடைபெறுகிறது. பவுர்ணமி நாளன்று, சிவபெருமான் பிச்சாடனர் திருக்கோலத்தில் வீதியுலா வருகிறார். இந்நேரத்தில் பக்தர்கள் உயரமான இடங்களில் இருந்து வீதியில் வருகை தரும் பிச்சாடனரை நோக்கி மாங்கனிகளை எறிவர்.
குழந்தைப் பாக்கியம் இல்லாத பெண்கள், அந்த மாங்கனிகளை தங்களது சேலை முந்தானையை விரித்து பிடிக்க முயல்வர். அந்த மாங்கனிகளை நம்பிக்கையுடன் உண்டால், விரைவில் குழந்தைப் பாக்கியம் கிடைக்கும் என நம்பப்படுகிறது.
