முழுநேர அரசியல் பயணத்தைத் தொடங்கிவிட்டாலும், திரையுலகத்தில் தனது கடைசி படம் எனத் தேர்ந்தெடுத்துள்ள ‘ஜனநாயகன்’ திரைப்படத்தை நடிகர் விஜய் படமாக்கி வருகிறார். பிரபல இயக்குநர் எச். வினோத் இயக்கும் இந்த படத்தில், விஜய் தனது 69வது படமாக நடிக்கிறார்.
இந்தப் படத்தில், ‘அனிமல்’ பட வில்லனாக பிரபலமான பாபி தியோல், ‘பீஸ்ட்’ படத்தில் விஜயுடன் நடித்த பூஜா ஹெக்டே, ‘பிரேமலு’ புகழ் மமிதா பைஜு, இயக்குநர்-நடிகர் கௌதம் வாசுதேவ் மேனன், பிரகாஷ்ராஜ் உள்ளிட்டோர் முக்கியக் கதாபாத்திரங்களில் நடித்துள்ளனர். இசை அமைப்பாளராக அனிருத் வருகிறார். படத்தை KVN Productions நிறுவனம் தயாரிக்கிறது.
அரசியலும் கமர்சியலும் சேர்ந்த மாஸ் படமாக ‘ஜனநாயகன்’ உருவாகிறது !
இது ஒரு முழுக்கமர்சியல் படமாக இருந்தாலும், அதேசமயம் அரசியல் சமூக கோணங்களையும் கொண்டிருக்கும் என இயக்குநர் எச்.வினோத் கூறியிருந்தார். இதனால், விஜய் அரசியலில் களமிறங்கும் நேரத்தில் இப்படம் மீதான எதிர்பார்ப்பு அதிகரித்து வருகிறது.
பிரம்மாண்ட அப்டேட் இன்று நள்ளிரவு !
2026ஆம் ஆண்டு பொங்கலுக்கு இப்படம் திரைக்கு வரவிருக்க, தயாரிப்பு நிறுவனம் தற்போது ஒரு முக்கிய அறிவிப்பை வெளியிட்டுள்ளது. நடிகர் விஜயின் பிறந்த நாளான ஜூன் 22-ஐ முன்னிட்டு, இன்று (ஜூன் 21) நள்ளிரவு 12 மணிக்கு ‘ஜனநாயகன்’ படத்தின் முதல் க்ளிம்ஸ் வீடியோ மற்றும் ஒரு பாடல் வெளியாகவுள்ளது.
அதோடு, படக்குழுவின் அறிவிப்பில்,
“A lion is always a lion & his first roar is incoming”
என்ற டேக் லைனும் சேர்க்கப்பட்டுள்ளது.
இதனுடன் வெளியான போஸ்டரில், விஜய் தனது கைகளை உயர்த்தும் பாணியில் காணப்படுகிறார்; பின்னணியில் சூரியன் அஸ்தமிக்கின்ற காட்சி, அரசியல் அடையாளங்களைக் காட்டுவதாகவும் இணையத்தில் பலரும் தெரிவித்துள்ளனர்.
இது விஜய் ரசிகர்களுக்கான செம ட்ரீட் !
இன்று நள்ளிரவு ‘ஜனநாயகன்’ க்ளிம்ஸ் வீடியோ மற்றும் பாடல் வெளியாகும் தகவல், விஜய் ரசிகர்களிடையே பெரும் பரபரப்பையும் கொண்டாட்டத்தையும் உருவாக்கியுள்ளது. சமூக வலைதளங்களில் இதற்கான காத்திருக்கை ஏற்கெனவே ஆரம்பமாகி விட்டது.
சிங்கத்தின் முதல் கர்ஜனை கேட்க தயாராகுங்கள் !