சசிகுமார் மற்றும் சிம்ரன் நடித்த ‘டூரிஸ்ட் ஃபேமிலி’ திரைப்படம் சமீபத்தில் திரைக்கு வந்து, ரசிகர்களிடையே நல்ல வரவேற்பைப் பெற்றது.
இதையடுத்து சசிகுமார் நடிப்பில் உருவாகியுள்ள திரைப்படம் ‘FREEDOM’. இந்த படத்தில் லிஜோமோல் ஜோஸ் கதாநாயகியாக நடித்துள்ளார். படத்தை ‘கழுகு’, ‘சவாலே சமாளி’, ‘1945’ ஆகிய திரைப்படங்களை இயக்கிய சத்யசிவா இயக்கியுள்ளார்.
முதலில் ‘FREEDOM’ திரைப்படம் ஜூலை 11ஆம் தேதி வெளியாகும் என அறிவிக்கப்பட்டிருந்தது. எனினும், தயாரிப்பு தரப்பில் ஏற்பட்ட நிதிச் சிக்கல்களால் படம் தாமதமாகியுள்ளது. இதன் காரணமாக திரைப்படம் வெளியாவவில்லை என்று கூறப்படுகிறது.
இந்நிலையில், ‘ஃப்ரீடம்’ படத்தின் புதிய வெளியீட்டு தேதி விரைவில் அறிவிக்கப்படும் என படக்குழு தகவல் தெரிவித்துள்ளது.
