ஹாலிவுட்டின் புகழ்பெற்ற நடிகரும் இயக்குனருமான ராபர்ட் ரெட்போர்ட் வயது மூப்பால் 89 ஆவது ஆண்டில் காலமானார்.
1936-ஆம் ஆண்டு பிறந்த ரெட்போர்ட், தனது கலை வாழ்க்கையை முதலில் மேடை நாடகங்களின் மூலம் தொடங்கினார். பின்னர் தொலைக்காட்சி தொடர்களில் நடித்து, 1962-ஆம் ஆண்டில் திரைப்பட உலகில் அடியெடுத்து வைத்தார். 1970-களில் ஹாலிவுட்டின் முன்னணி நடிகர்களில் ஒருவராக உயர்ந்தார்.
அவரின் இயக்குனர் வாழ்க்கை மிகப்பெரிய வெற்றியை பெற்றது. 1980-ஆம் ஆண்டு அவர் இயக்கிய “Ordinary People” திரைப்படம் ஆஸ்கர் விருது வென்று, சிறந்த இயக்குனராகவும் பெருமை பெற்றார்.
மார்வல் ரசிகர்களுக்கு பரிச்சயமானவர் ரெட்போர்ட். “Captain America: The Winter Soldier”, “Avengers: Endgame” போன்ற ஹாலிவுட் ப்ளாக்பஸ்டர் படங்களிலும் நடித்துள்ளார்.
சினிமாவைத் தாண்டி, சூழலியல் ஆர்வலராகவும் ரெட்போர்ட் தன்னை அர்ப்பணித்தார். 2016-ஆம் ஆண்டு, அமெரிக்காவின் மிக உயரிய விருதான Medal of Freedom-ஐ அப்போதைய அதிபர் பராக் ஒபாமா வழங்கி கௌரவித்தார்.
இந்நிலையில், வயது மூப்பு காரணமாக அவர் மரணமடைந்த செய்தி வெளிவந்துள்ளது. ஹாலிவுட் பிரபலங்கள் முதல் உலகம் முழுவதும் உள்ள ரசிகர்கள் வரை பலரும் அவரின் மறைவுக்கு ஆழ்ந்த இரங்கலைத் தெரிவித்துள்ளனர்.
