இயக்குநர் ராகவ் மிர்தாத் இயக்கத்தில் உருவாகியுள்ள ‘பன் பட்டர் ஜாம்’ திரைப்படத்தில் பிக்பாஸ் புகழ் ராஜு ஜெயமோகன் கதாநாயகனாக அறிமுகமாகிறார். அவருக்கு ஜோடியாக ஆத்யா பிரசாத் மற்றும் பவ்யா ட்ரிக்கா நடித்துள்ளனர்.
மேலும், சார்லி, சரண்யா பொன்வண்ணன், தேவதர்ஷினி, மைக்கேல் தங்கதுரை, விஜே பப்பு உள்ளிட்ட பலர் முக்கிய கதாபாத்திரங்களில் நடித்துள்ளனர்.
இத்திரைப்படத்திற்கு நிவாஸ் கே. பிரசன்னா இசையமைத்துள்ளார். சில மாதங்களுக்கு முன்னர் படத்தின் ஃபர்ஸ்ட் லுக் போஸ்டர் வெளியானது. ரெயின் ஆஃப் ஆரோஸ் நிறுவனம் தயாரித்துள்ள இந்த படம், ஜூலை 18ஆம் தேதி திரையிடப்படுகிறது.
தற்போது, படத்தின் மூன்றாவது பாடலான ‘காஜுமா’ பாடல்கள் மற்றும் டிரெய்லர் வெளியிடப்பட்டுள்ளன. இவை ரசிகர்களிடம் நல்ல வரவேற்பைப் பெற்றுள்ளன. இப்படத்திற்கு தணிக்கை குழுவிடமிருந்து யு/ஏ சான்றிதழ் வழங்கப்பட்டுள்ளது. இதையடுத்து, படத்தின் ப்ரோமோஷன் பணிகள் முழு வீச்சில் நடைபெற்று வருகின்றன.
