கந்த சஷ்டி விழாவை முன்னிட்டு தரங்கம்பாடி அருகே உள்ள புகழ் பெற்ற திருவிடைக்கழி சுப்பிரமணிய சுவாமி கோவிலில் சூரசம்காரம் நிகழ்ச்சி நடைபெற்றது ஏராளமான பக்தர்கள் கலந்து கொண்டு சாமி தரிசனம் செய்து வழிபட்டனர்
மயிலாடுதுறை மாவட்டம் தரங்கம்பாடி தாலுக்கா திருவிடைக்கழியில் இந்து சமய அறநிலையத்துறை கட்டுப்பாட்டில் உள்ள 1800 ஆண்டுகள் பழமை வாய்ந்த புகழ்பெற்ற முருகன் ஆலயமான சுப்பிரமணிய சுவாமி ஆலயம் அமைந்துள்ளது. அசுரனை கொன்ற பாவம் நீங்க சிவபெருமானை முருகன் குரா மரத்தடியில் வழிபட்ட இடமாகும். மேலும் பல்வேறு சிறப்புகளை உடைய இக்கோயிலில் கந்த சஷ்டி விழாவின் முக்கிய நிகழ்வான சூரசம்காரம் நிகழ்ச்சி நடைபெற்றது. முருகப்பெருமான் சிறப்பு அலங்காரத்தில் கோவில் முன் எழுந்தருள செய்து சிங்க முகம் யானை முகம் அசுரன் முகம் கொண்ட சூரனை முருகப்பெருமான் வதம் செய்யும் ஐதீக நிகழ்வு நடைபெற்றது இதில் ஆயிரக்கணக்கான பக்தர்கள் கலந்து கொண்டு சுவாமி தரிசனம் செய்து வழிபட்டனர்.







