வல்லக்கோட்டை முருகன் கோயில் உண்டியல் காணிக்கை ரூ. லட்சம் வரப்பெற்றுள்ளது.
காஞ்சிபுரம் மாவட்டம் ஒரகடம் அடுத்துள்ள வல்லக்கோட்டை, சுப்பிரமணியசுவாமி திருக்கோயிலில் வியாழனன்று பக்தர்கள் காணிக்கையாக செலுத்தியுள்ள உண்டியல் தொகை திறந்து எண்ணப்பட்டது.
பிரசித்தி பெற்ற இத்திருக்கோயில் கல்யாண பரிகார தலமாக உள்ளது. வீடுமனை வேண்டுவோரும் அதிகளவில் வந்து பிரார்த்தனைகளைச் செலுத்துகின்றனர்.
இத்திருக்கோயிலில் உள்ள 10 உண்டியல்கள் மூன்று மாதங்களுக்கு ஒருமுறை திறந்து எண்ணப்படுவது வழக்கமாகும். கடந்த ஜூன் மாதம் உண்டியல்கள் திறந்து கணக்கிடப்பட்டது.
அந்த வகையில் மூன்று மாதங்களுக்கு பிறகு வியாழனன்று பக்தர்கள் உண்டியலில் காணிக்கையாக செலுத்தியுள்ள தொகைகள் இந்து சமய அறநிலையத்துறை காஞ்சிபுரம் உதவி ஆணையர் திருமதி மா.ஜெயா, ஆய்வாளர் சிவராமகிருஷ்ணன், திருக்கோயில் நிர்வாக அதிகாரி சோ.செந்தில்குமார், ஒரகடம் காவல் துறையினர், வங்கி பணியாளர்கள் மற்றும் நூற்றுக்கும் மேற்பட்ட பக்தர்கள் முன்னிலையில் திறந்து எண்ணப்பட்டது.
பொதுஉண்டியல்கள் 9 திருப்பணி உண்டியல் 1 ஆக மொத்தம் 10 உண்டியல்கள் திறந்து எண்ணப்பட்டதில் ரூ.28,69,826 லட்சம் பணம், 27 கிராம் தங்கம், 2890 கிராம் வெள்ளிப்பொருட்களை பக்தர்கள் காணிக்கையாக செலுத்தியுள்ளனர்.
