கழிவு நீர் கலந்து வரும் தண்ணீரை வடிகட்டி வேறு வழி இன்றி காய்ச்சி குடித்து வருகின்றனர்

விழுப்புரம் குடிநீருக்கு திண்டாடும் பொதுமக்கள் கழிவுநீர் கலப்பதால் அபாயம் … விழுப்புரம் கிழக்கு பாண்டி ரோடு தாயுமானவர் வீதியில் 1000க்கும் மேற்பட்ட பொதுமக்கள் குடும்பங்களோடு வசித்து வருகின்றனர். இங்குள்ள பொதுமக்களுக்கு காலை வேளையில் குடிநீர் தேவையை போக்க நகராட்சி நிர்வாகம் மூலம் பைப் லைனில் அமைக்கப்பட்டு அதில் உள்ள குழாய் மூலம் குடிநீர் வினியோகம் செய்யப்படுகிறது. தினந்தோறும் காலை 6:00 மணி முதல் 8 மணி வரை 2 மணி நேரம் குடிநீர் சப்ளை வழங்கப்படுகிறது. இங்கு வழங்கப்படும் குடிநீர் கடந்த இரு மாதங்களுக்கு மேலாக கழிவுநீர் கலந்து வருவதால் பொதுமக்கள் அந்த தண்ணீரை பயன்படுத்த முடியாமல் சிரமப்பட்டு வருகின்றனர். இதனால் வேறு மாற்று இடங்களில் பலர் குடிநீர் தண்ணீரை புடித்து வருகின்றனர். இது பற்றி அங்குள்ள மக்கள் நகராட்சி நிர்வாகத்திடம் பலமுறை புகார் தெரிவித்தும் நடவடிக்கை இல்லை. கழிவு நீர் கலந்து வரும் தண்ணீரை ஒரு சில வயதானோர் வடிகட்டி வேறு வழி இன்றி காய்ச்சி குடித்து வருகின்றனர். இதனால் அவர்களுக்கு நோய்த்தொற்று பரவும் அபாயமான சூழலும் ஏற்பட்டுள்ளது. நகரில் உள்ள தண்ணீர் பிரச்சனையை போக்குவதாக நகராட்சி நிர்வாகம் வெளியே கூறிக் கொண்டாலும் உள்ளே பல குடியிருப்பு பகுதிகளில் தண்ணீருக்கு மக்கள் திண்டாடும் நிலை ஏற்பட்டுள்ளது. அடிப்படை ஆதாரமாக மக்களுக்கு வழங்கப்படும் குடிநீரில் ஏற்பட்டுள்ள பிரச்சினைகளை போக்க நகராட்சி நிர்வாகம் அதிகாரிகள் மூலம் துரித நடவடிக்கை எடுக்க வேண்டும் இல்லை என்றால் வீதிக்கு வந்து போராட தயாராக உள்ளதாக மக்கள் நகராட்சி நிர்வாகத்திற்கு எச்சரிக்கையாக தெரிவித்துள்ளனர்.