விழுப்புரம் நகராட்சி நகரமன்ற கூட்டம்: 42 வார்டு கவுன்சிலர்கள் கோரிக்கைகள் முன்வைப்பு
விழுப்புரம் புதிய நகராட்சி அலுவலகத்தில் நகராட்சி சார்பில் நகரமன்ற கூட்டம், நகரமன்ற தலைவர் தமிழ்ச்செல்வி பிரபு தலைமையில் நடைபெற்றது. கூட்டத்தில் நகராட்சி ஆணையர் மற்றும் அதிகாரிகள் முன்னிலை வகித்தனர்.
இந்த கூட்டத்தில் 42 வார்டுகளைச் சேர்ந்த நகரமன்ற உறுப்பினர்கள் (கவுன்சிலர்கள்) அனைவரும் கலந்துகொண்டு, தங்களது வார்டுகளில் நிலவும் குடிநீர், சாலை, தெருவிளக்கு, கழிவுநீர் வடிகால், தூய்மை பணி, மழைநீர் வடிகால் உள்ளிட்ட அடிப்படை வசதிகள் தொடர்பான குறைகள் மற்றும் பொதுமக்களின் கோரிக்கைகளை எடுத்துரைத்தனர்.
மேலும், ஒவ்வொரு வார்டிலும் நிலுவையில் உள்ள வளர்ச்சிப் பணிகளை விரைந்து நிறைவேற்றவும், புதிய வளர்ச்சித் திட்டங்களை செயல்படுத்தவும் அதிகாரிகள் தேவையான நடவடிக்கை எடுக்க வேண்டும் என்று உறுப்பினர்கள் வலியுறுத்தினர்.
உறுப்பினர்கள் முன்வைத்த கோரிக்கைகள் அனைத்தையும் பரிசீலித்து, பொதுமக்களின் தேவைகளுக்கு முன்னுரிமை அளித்து நடவடிக்கை எடுக்கப்படும் என நகரமன்ற தலைவர் தமிழ்ச்செல்வி பிரபு தெரிவித்தார்.
இந்த நகரமன்ற கூட்டத்தில் நகராட்சி அதிகாரிகள், பொறியாளர்கள் மற்றும் அலுவலர்களும் கலந்து கொண்டனர்
