ஊட்டி : நீலகிரி மாவட்டம் ஊட்டியில் முதல்வர் ஸ்டாலின் தற்போது சுற்றுப்பயணத்தில் உள்ளார். நேற்று (மே 15) ஊட்டி அரசு தாவரவியல் பூங்காவில் நடைபெற்ற 127வது மலர் கண்காட்சியை துவக்கி வைத்து, மலர்களை பார்வையிட்டார்.
இன்று (மே 16) காலை நடைப்பயிற்சி செய்த பின்பு முதல்வர் ஸ்டாலின் நிருபர்களை சந்தித்தார். அப்போது பேசிய அவர்,
“2026 மட்டுமல்ல, 2031, 2036ம் ஆண்டுகளிலும் தமிழகத்தில் தி.மு.க ஆட்சி தொடரும். திராவிட மாடல் ஆட்சி தமிழ்நாட்டில் நிலைத்து நிற்கும். மக்களும் இதற்கு முழுமையான ஆதரவை வழங்கி வருகின்றனர்” என்றார்.
மேலும், ஜனாதிபதியின் உச்சநீதிமன்ற கருத்து கேட்பு விவகாரத்தில் உரிய நடவடிக்கை எடுக்கப்படும் என்றும், பிற மாநில முதல்வர்களுடன் ஆலோசித்து தக்க நடவடிக்கை எடுக்கப்படும் என்றும் தெரிவித்தார்.
