விழுப்புரம் மாவட்டம் திண்டிவனம் அருகே உள்ள தைலாபுரத்தில் பாமக நிறுவனர் மருத்துவர் ராமதாஸ் செய்தியாளர்களுக்கு பேட்டியளித்தார். அப்போது அவர் கூறுகையில்…
தேர்தல் ஆணையத்தை எதிர்த்து தான் நாங்கள் வழக்கு தொடுத்தோம். ஆனால் தானாகவே முன் வந்து பொய் மூட்டைகளை அவிழ்த்துவிடும் அன்புமணி தரப்பு ஆஜராகி வாதிட்டார்கள். 36 பக்கங்களை கொண்ட தீர்ப்பை வழங்கியுள்ளது.
சொந்த தந்தையே எதிர்கின்ற இப்படிப்பட்ட ஒரு தலைவர் தமிழ்நாட்டில் பிறந்துள்ளாரே என்று பலர் பேசி கொண்டிருக்கிறார்கள். தேர்தல் ஆணையத்தை எதிர்த்து டெல்லியில் போராட்டம் செய்துள்ளோம். இது மிக பெரிய அளவில் போராட்டம் நடந்தது. இப்போது தீர்ப்பும் எங்களுக்கு சாதகமாக வந்துள்ளது. பாமக என்றால் நிறுவனராகிய நான் உருவாக்கினேன். கட்சியின் பெயரை சொல்லவோ, சொந்தம் கொண்டாட வோ யாருக்கும் அதிகாரம் இல்லை. நீ வேண்டுமானால் தனியாக ஒரு கட்சியை ஆரம்பித்துக் கொள் என நான் பலமுறை அவரிடம் சொல்லிவிட்டேன். நீங்கள் சாப்பிடுவதற்கு முன் யாரையாவது சாப்பிட சொல்லிவிட்டு அதன்பிறகு சாப்பிடுங்கள் என சொல்கிறார்கள். ஒட்டு கேட்கும் கருவி வைத்தது தொடர்பாக சைபர் க்ரைம் போலீசாரிடம் புகார் கொடுத்தோம். ஆனால் இதுவரை போலீசார் எந்த நடவடிக்கையும் எடுக்கவில்லை. என்னை பற்றி பேசுவதற்கு உனக்கு எந்த உரிமையும் கிடையாது. என் பெயரை, என் புகைப்படத்தை போட கூடாது என உறுதியாக சொல்லி கொள்கிறேன். பாமகவிற்கும், உனக்கும் எந்த சம்பந்தமும் கிடையாது. கட்சியை ஆரம்பி அல்லது வேறு கட்சியில் இணைந்து கொள். ஒவ்வொரு நாளும் பொய் பேசி கொண்டிருக்கிறார். எல்லாத்தையும் அனுபவித்துவிட்ட உனக்கு எதுக்கு கட்சி என்றார்
