விஜய் டிவியின் புகழ்பெற்ற காமெடி சமையல் நிகழ்ச்சி ‘குக் வித் கோமாளி’, சிரிப்புடன் கலந்த ரசனையை தரும் ஒரு வெற்றி ஷோவாக மக்கள் மனதில் இடம் பிடித்துள்ளது. 2019-ம் ஆண்டு பார்திவ் மணி இயக்கத்தில் தொடங்கிய முதல் சீசனிலிருந்தே ரசிகர்கள் மத்தியில் பெரிய வரவேற்பை பெற்ற இந்த நிகழ்ச்சி, தற்போது 6-வது சீசனை நோக்கி பயணிக்கிறது. வரும் மே 4ஆம் தேதி புதிய சீசன் ஒளிபரப்பாகவுள்ளது.
இந்நிலையில், ‘Hit: The Third Case’ திரைப்படத்தின் விளம்பர பணிக்காக, நடிகர் நானி, யூடியூபரும், குக் வித் கோமாளி பிரபலமுமான இர்பானின் யூடியூப் சேனலுக்கு பேட்டி அளித்துள்ளார்.
அங்கு இர்பான், “எனக்கு கொஞ்சம் சமைக்க தெரியும். அந்த நிகழ்ச்சியில் மூன்றாவது இடம் எடுத்தேன்,” என பெருமையாக கூற, நானி உடனே நகைச்சுவையாக பதிலளித்து,
“அந்த ஷோவில் யாருக்குமே சமைக்க தெரியாது… அதுல மூன்றாவது பரிசா?” என சிரித்து ரோஸ்ட் செய்தார்.
நானியின் இந்த நக்கலான பதில் தற்போது சமூக வலைதளங்களில் வைரலாகி வருகிறது. சிலர் இதைப் போட்டு சிரிக்க, சிலர் குக் வித் கோமாளி ரசிகர்கள் சற்று அதிருப்தியும் காட்டுகிறார்கள்.
எதுவாக இருந்தாலும், குக் வித் கோமாளியின் அடுத்த சீசன் பற்றி பேசும் நேரத்தில், இந்த பேட்டி நிச்சயமாக ரசிகர்களிடையே மேலும் ஆர்வத்தை உருவாக்கி விட்டது.
