நெசவாளர் வாழ்வாதாரம் உயர தீபாவளி பண்டிகைக்கு கோ-ஆப்டெக்ஸில் ஆடை வாங்க அனைவரும் வரவேண்டும் என விழுப்புரம் மாவட்ட ஆட்சியர் ஷேக் அப்துல் ரஹ்மான் தெரிவித்துள்ளார்.
விழுப்புரம் கோ-ஆப்டெக்ஸ் விற்பனை நிலையத்தில் 2026-ஆம் ஆண்டிற்கான தீபாவளி சிறப்பு விற்பனையை மாவட்ட ஆட்சித்தலைவர் ஷே. ஷேக் அப்துல் ரஹ்மான் குத்துவிளக்கேற்றி தொடங்கி வைத்தார். நெசவாளர்களின் வாழ்வாதாரத்தை உயர்த்தும் நோக்கில் நடைபெற்று வரும் இவ்விற்பனையில், புதிய ரக பட்டு மற்றும் பருத்தி உடைகளுக்கு 30% சிறப்பு தள்ளுபடி வழங்கப்படுவதோடு, அரசு ஊழியர்களுக்கு தவணை முறை கடன் வசதியும், வாடிக்கையாளர்களுக்கு மாதாந்திர சிறுசேமிப்பு திட்டமும் செயல்படுத்தப்பட்டு வருகின்றன. இந்த தீபாவளி விற்பனைக்காக கடலூர் மண்டலத்திற்கு ரூ.8.88 கோடியும், அதில் விழுப்புரம் விற்பனை நிலையத்திற்கு ரூ.62.50 லட்சமும், திண்டிவனத்திற்கு ரூ.42.50 லட்சமும் விற்பனை இலக்காக நிர்ணயிக்கப்பட்டுள்ள நிலையில், பொதுமக்கள் மற்றும் அரசு ஊழியர்கள் கைத்தறி ஆடைகளை வாங்கி நெசவாளர்களின் வாழ்வாதாரத்திற்கு ஆதரவளிக்குமாறு மாவட்ட ஆட்சித்தலைவர் கேட்டுக்கொண்டுள்ளார்.
பேட்டி: ஷேக் அப்துல் ரகுமான்.
மாவட்ட ஆட்சியர்.
