ரகவா லாரன்ஸ் இயக்கத்தில் உருவாகி வரும் ‘காஞ்சனா 4’ படம் குறித்து தினமும் புதிய தகவல்கள் வெளியாகி வருகின்றன.
நடன இயக்குநராக சினிமாவில் அறிமுகமான ரகவா லாரன்ஸ், தற்போது ஹீரோவாக ரசிகர்களின் விருப்பமானவராக உயர்ந்துள்ளார். அவரின் நடிப்பில் வெளியாகிய ‘காஞ்சனா’ தொடரின் முதல் மூன்று பாகங்களும் வசூலில் வெற்றி பெற்றதால், நான்காவது பாகத்திற்கும் பெரும் எதிர்பார்ப்பு நிலவுகிறது.
அதிக செலவில் உருவாகும் இந்தப் படத்தில் பூஜா ஹெக்டே கதாநாயகியாக நடிக்கிறார். மேலும், நூரா பதேகி, ரெடின் கிங்ஸ்லி, ஆனந்தராஜ் உள்ளிட்ட பலரும் முக்கிய கதாபாத்திரங்களில் நடித்துள்ளனர்.
இந்நிலையில், இந்தப் படத்தில் முன்னணி நடிகை ராஷ்மிகா மந்தனா இணைகிறார் என்ற தகவல் தற்போது பரவலாக பேசப்படுகிறது. அவர் படத்தில் பேய் கதாபாத்திரத்தில் நடிக்க வாய்ப்புள்ளதாகவும் கூறப்படுகிறது.
பேய் கதைகள் இந்திய அளவில் ரசிகர்களிடம் நல்ல வரவேற்பைப் பெறுவதால், ‘காஞ்சனா 4’ பான்-இந்தியா ஹிட் ஆகும் என படக்குழுவினர் நம்பிக்கை வெளியிட்டுள்ளனர்.
