சட்டமன்றப் பொதுத் தேர்தலுக்காக திண்டுக்கல் மாவட்டத்திற்கு ஒதுக்கீடு செய்யப்பட்டுள்ள மின்னணு வாக்குப்பதிவு இயந்திரங்களின் (EVMs) முதல் நிலைச் சரிபார்ப்பு (First Level Checking – FLC) பணிகள் நாளை (டிசம்பர் 11, 2025) முதல் தொடங்கவுள்ளது. இதுகுறித்து, அங்கீகரிக்கப்பட்ட அரசியல் கட்சிகளின் பிரமுகர்களுடன் ஆலோசனைக் கூட்டம் நடத்தப்பட்டதாக மாவட்ட தேர்தல் அலுவலர் மற்றும் மாவட்ட ஆட்சியர் செ. சரவணன். அவர்கள் தெரிவித்துள்ளார். மின்னணு வாக்குப்பதிவு இயந்திரங்களின் முதல் நிலைச் சரிபார்ப்புப் பணிகள் முதல் தொடங்கவுள்ளன.திண்டுக்கல் மாவட்டத்தில் உள்ள 7 சட்டமன்றத் தொகுதிகளுக்கும் ஒதுக்கீடு செய்யப்பட்டு வரப்பெற்றுள்ள அனைத்து EVM-களுக்கும் இந்தச் சரிபார்ப்புப் பணி மேற்கொள்ளப்படும்.
சரிபார்ப்புப் பணி தினமும் காலை 9.00 மணிக்குத் துவங்கி மாலை 7.00 மணி வரை நடைபெறும். இந்தப் பணியை மேற்கொள்வதற்காக, மத்திய அரசின் பெல் (Bharat Electronics Limited – BEL) நிறுவனத்தைச் சேர்ந்த 9 மின்னணுப் பொறியாளர்கள் நியமிக்கப்பட்டுள்ளனர முதல் நிலைச் சரிபார்ப்பு என்பது, வாக்குப்பதிவு இயந்திரங்கள் அனைத்தும் சரியான செயல்பாட்டுடன், நம்பகத்தன்மையுடன் உள்ளனவா என்பதை உறுதிசெய்வதற்காக மேற்கொள்ளப்படும் முக்கியமான கட்டமாகும்.
முதல் நிலைச் சரிபார்ப்புப் பணிகள் நடைபெறுவது தொடர்பாக, அங்கீகரிக்கப்பட்ட அனைத்து அரசியல் கட்சிகளின் பிரமுகர்களுடனும் மாவட்ட ஆட்சியர் அலுவலகத்தில் இன்று ஆலோசனைக் கூட்டம் நடைபெற்றது. மாவட்ட தேர்தல் அலுவலர்/ மாவட்ட ஆட்சியர் அவர்களின் தலைமையில் நடைபெற்ற இந்தக் கூட்டத்தில், மின்னணு வாக்குப்பதிவு இயந்திரங்களைச் சரிபார்க்கும் செயல்முறைகள், பின்பற்றப்பட வேண்டிய விதிகள் மற்றும் அரசியல் கட்சிகளின் முகவர்கள் சரிபார்ப்புப் பணிகளை மேற்பார்வையிடுவது குறித்து விளக்கங்கள் அளிக்கப்பட்டன.
இந்த ஆய்வுக் கூட்டத்தில் பயிற்சி ஆட்சியர், மாவட்ட வருவாய் அலுவலர் மற்றும் தேர்தல் பிரிவு பணியாளர்களும் கலந்துகொண்டனர். தேர்தல் வெளிப்படைத்தன்மையுடன் நடைபெறுவதை உறுதிசெய்யும் வகையில் இந்தப் பணிகள் அரசியல் கட்சிகளின் முன்னிலையில் மேற்கொள்ளப்படும் என்று மாவட்ட நிர்வாகம் தெரிவித்துள்ளது.
