கன்னியாகுமரி மாவட்டம் மேல கிருஷ்ணன் புதூர் தொடக்க வேளாண்மை கூட்டுறவு சங்க நியாய விலை கடையில் பணி புரியும் ஊழியர் ரேஷன் பொருள்களை கள்ளச் சந்தையில் விற்றதாக கூறி தற்போது பணியிட நீக்கம் செய்த நிலையில் மீண்டும் ரேஷன் கடை ஊழியரை பணியமர்த்த முயற்சிப்பதாக கூறி கூட்டுறவு சங்க உறுப்பினர்கள் வெளிநடப்பு செய்ததால் பரபரப்பு.
கன்னியாகுமரி மாவட்டம் மேல கிருஷ்ணன் புதூர் பகுதியில் y – 74 தொடக்க வேளாண்மை கூட்டுறவு கடன் சங்கம் அமைந்துள்ளது இந்த வளாகத்திற்குள் கூட்டுறவு வங்கி மற்றும் நியாய விலை கடை செயல்பட்டு வருகிறது. இந்த நியாய விலை கடையில் விற்பனையாளராக பணியாற்றி வந்த தவசலிங்கம் என்பவர் சமீப காலமாக ரேஷன் பொருட்களை கள்ளச் சந்தையில் விற்று வருவதாக புகார்கள் எழுந்து வந்தன இந்த நிலையில் கடந்த ஏப்ரல் மாதம் அதிகாரிகள் நியாய விலை கடையில் ஆய்வு மேற்கொண்ட போது ரேஷன் பொருட்கள் கள்ளச் சந்தையில் விற்பனை செய்யப்பட்டது உறுதியானது. இது தொடர்ந்து ரேஷன் கடை விற்பனையாளர் தவசலிங்கத்தை பணியிட நீக்கம் செய்தனர். இந்நிலையில் மீண்டும் அதே ரேஷன் கடை விற்பனையாளரை பணியமர்த்த கூட்டுறவு சங்க அதிகாரிகள் முயற்சிப்பதாக கூறி நேற்று நடைபெற்ற தொடக்க வேளாண்மை கூட்டுறவு கடன் சங்க பொதுக்குழு கூட்டத்தில் ஏ வகுப்பு அங்கத்தினர் கூட்டத்தில் வெளிநடப்பு செய்ததால் அங்கு சிறிது நேரம் பரபரப்பு நிலவியது. மேலும் தொடர்ந்து ரேஷன் பொருட்களை திருட்டுத்தனமாக கள்ளச் சந்தையில் விற்பனை செய்த ரேஷன் கடை விற்பனையாளர்கள் மீது அபராதம் விதிக்க வேண்டும் எனவும் மீண்டும் அவரை இதே நியாய விலை கடையில் பணி அமர்த்த கூடாது எனவும் கோரிக்கை வைத்து உறுப்பினர்கள் வெளிநடப்பு செய்தனர்.
பேட்டி: தியாகராஜன் ( கூட்டுறவு சங்க உறுப்பினர்)
