அரக்கோணம் அம்மா உணவகத்தில் மாவட்ட ஆட்சியர் திடீர் ஆய்வு – உணவின் தரம் மற்றும் சுகாதாரம் குறித்து அறிவுறுத்தல்
ராணிப்பேட்டை மாவட்டம்:
ராணிப்பேட்டை மாவட்டம், அரக்கோணம் நகராட்சிக்கு உட்பட்ட அம்மா உணவகத்தில் மாவட்ட ஆட்சியர் பிரியா ரவிச்சந்திரன் திடீர் ஆய்வு மேற்கொண்டார்.
இந்த ஆய்வின்போது, உணவகத்தின் சுகாதாரம், சமைக்கப்படும் உணவின் தரம் மற்றும் உணவுப் பொருட்களின் இருப்பு ஆகியவற்றை ஆய்வு செய்தார்.
தொடர்ந்து, அம்மா உணவகத்தில் தயாரிக்கப்பட்ட உணவை சாப்பிட்டு சுவைத்துப் பார்த்த மாவட்ட ஆட்சியர், பொதுமக்களுக்கு சுவையாகவும் தரமானதாகவும் உணவு வழங்க வேண்டும் என அறிவுறுத்தினார்.
மேலும், உணவுப் பொருட்களின் இருப்பு குறித்த பதிவேடுகளை முறையாகப் பராமரிக்கவும், நாள்தோறும் வழங்கப்படும் உணவு வகைகள் குறித்த விவரங்களை அட்டவணையில் தெளிவாகக் குறிப்பிடவும் பணியாளர்களுக்கு உத்தரவிட்டார்.
மக்களுக்கு வழங்கப்படும் உணவின் தரத்தை உறுதி செய்யும் வகையில் மாவட்ட ஆட்சியர் இந்தத் திடீர் ஆய்வை மேற்கொண்டார். என்பது குறிப்பிடத்தக்கது
