விழுப்புரத்தில் நடைபெற்ற திருநங்கைகளுக்கான மிஸ் கூவாகம் 2026 அழகி போட்டியில் கோயம்புத்தூர் சூர்யா 2026 மிஸ் கூவாகமமாக தேர்வு
பேட்டி 1) சூர்யா (மிஸ் கூவாகம் 2026 – கோவை)
2) நிஷா(இரண்டாமிடம் – மலேசியா)
3) அனன்யா( மூன்றாமிடம் புதுவை)
விழுப்புரம் நகராட்சி திடலில் தென்னிந்திய திருநங்கையர் கட்டமைப்பு மற்றும் சமூகநலத்துறை சார்பில் மிஸ் கூவாகம் 2026 தேர்விற்கான அழகிகள் போட்டி நடைபெற்றது. இந்நிகழ்வில் பாடகர் வேல்முருகன், நடிகர் பாலா, மகேந்திரன், நடிகை ஷனம் ஷெட்டி உள்ளிட ஏராளமான மற்றும் தமிழகத்தின் அனைத்து மாவட்டத்தில் இருந்தும், மலேசியா, சிங்கப்பூர், ஹாங்காங் போன்ற வெளிநாடுகளில் இருந்தும், கர்நாடக, மும்பை, ஆந்திரா உள்ளிட்ட பல்வேறு மாநிலங்களில் இருந்து கலந்து கொண்டனர். தென்னிந்திய திருநங்கைகள் கூட்டமைப்பு சார்பாக ஏழு திருநங்கைகளுக்கு இளம் சாதனையாளர் திருநங்கை விருது வழங்கப்பட்டது. பல்வேறு துறைகளில் சிறந்து விளங்கும் 10 திருநங்கைகளுக்கு நடிகர் பாலா ஊக்கத்தொகையாக நபர் ஒருவருக்கு பத்தாயிரம் வழங்கினார். திருநங்கைகளுக்கான அழகி போட்டியில் நடைபெற்ற கலை நிகழ்ச்சியில் திருநங்கைகள் நடனமாடி மகிழ்ந்தனர். திருநங்கைகளுக்கான அழகி போட்டியில் 25 திருநங்கைகள் மூன்று சுற்றுகளாக கலந்து கொண்டு முதல் மூன்று இடங்களை பிடித்தவர்கள் அழகிகளாக தேர்வு செய்யப்பட்டனர். திருநங்கைகளின் ஓய்யார ரேம்ப் வாக் அறிவுத்திறன் அடிப்படையில் முதல் இடத்தை “கோயம்புத்தூரை சார்ந்த சூர்யா 2026 க்கான மிஸ் கூவாகமாக” தேர்ந்தெடுக்கப்பட்டார்
இரண்டாம் இடத்தை மலேசியாவை சார்ந்த நிஷா என்பவரும், மூன்றாவது இடத்தினை புதுச்சேரியை சார்ந்த அனன்யா தேர்வு செய்யப்பட்டார். தேர்வு செய்யப்பட்ட திருநங்கைகள்,திருநங்கையாக மாறும் போது பெற்றோர்கள் ஆதரவளிக்க வேண்டும் என்றும் அனாதையாக கைவிட கூடாது திருநங்கை மசோதா 2026 கொண்டுவரப்பட்டுள்ளது குருவி கூட்டினை கலைக்கும் செயலாக உள்ளதாக வருத்தம் தெரிவித்துள்ளனர்.
