இன்று பல நாடுகள் 5G இணையத்தையும் முழுமையாக அனுபவிக்க முடியாமல் தவித்துக் கொண்டிருக்கும் நிலையில், சீனா உலக அளவில் முன்னோடியாக 10G இணைய சேவையை துவங்கியுள்ளது. இந்த முயற்சி உலக இணைய வளர்ச்சியில் ஒரு முக்கியமான படியாக கருதப்படுகிறது.
சீனாவின் பெருமை – 10G சேவைக்கு தொடக்கம்!
Huawei மற்றும் China Unicom என்ற இரண்டு முன்னணி நிறுவனங்கள் இணைந்து, ஹெபெய் மாகாணத்தின் சுனான் கவுண்டியில் (Suning County) 10G நெட்வொர்க் சேவையை தொடங்கியுள்ளன. இது உலகில் முதன்முறையாக 10G இணையத்தை நடைமுறையில் கொண்டு வந்த முயற்சியாகும்.
10G நெட்வொர்க் என்பது என்ன?
10G என்றால், 10Gbps வரையிலான இணைய வேகத்தை அளிக்கும் பிராட்பேண்ட் சேவை. இது 5G போல wireless அல்ல. மாறாக, ஆப்டிகல் ஃபைபர் வழியாக வழங்கப்படும் வயர்டு இணையம். இந்த தொழில்நுட்பத்தின் மூலம் வீடியோ ஸ்ட்ரீமிங், ஆன்லைன் கேமிங், ஏ.ஆர்/வி.ஆர் பயன்பாடுகள் போன்றவை மிக வேகமாகவும் தாமதமின்றியும் செயல்படும்.
சீனாவில் நடந்த சோதனைக்கேற்ப 10G இணையம் கீழ்காணும் வேகங்களை அளித்துள்ளது:
- பதிவிறக்க வேகம் (Download Speed): 9834 Mbps
- பதிவேற்ற வேகம் (Upload Speed): 1008 Mbps
இது 5G இணையத்தைக் காட்டிலும் பல மடங்கு வேகமானது.
10G நெட்வொர்க் சேவையின் பின்புல தொழில்நுட்பமாக 50G-PON (Passive Optical Network) பயன்படுகிறது. இது ஒரு மேம்பட்ட ஆப்டிகல் ஃபைபர் உள்கட்டமைப்பாகும். இதில்:
- இணைய வேகம் – சில மில்லி விநாடிகள் மட்டுமே
- டேட்டா பரிமாற்ற திறன் 10Gbps வரை அதிகரிக்கப்படுகிறது
இது ஒரு சாதாரண சாதனை அல்ல. உலகம் முழுவதும் இன்னும் 5G விரிவடையாத நிலையில், சீனாவின் 10G தொடக்கம் மற்ற நாடுகளுக்கு ஒரு டிஜிட்டல் சவாலாக மாறியுள்ளது. இனி, மற்ற முன்னணி நாடுகளும் இந்த வேக வளர்ச்சிக்கு ஏற்ப நடவடிக்கை எடுக்க வேண்டிய கட்டாயம் உருவாகும்.
10G நெட்வொர்க் சேவையின் துவக்கம் ஒரு புதிய இணைய யுகத்தை தொடங்குகிறது. சீனா இதற்கான முதல் படியைத்தான் இப்போது எடுத்திருக்கிறது. இது நிச்சயமாக உலக இணைய வளர்ச்சியில் முக்கியமான திருப்புமுனையாகும்.
