மலையாள சினிமாவில் தற்போதைய தலைமுறையிலேயே முன்னேறி வரும் நடிகர்களில் ஷேன் நிகாம் முக்கியமானவர். சில மாதங்களுக்கு முன்பு அவர் தமிழில் ‘மெட்ராஸ்காரன்’ என்ற திரைப்படத்தின் மூலம் கதாநாயகனாக அறிமுகமானார். இப்படத்தில் கலையரசன், நிஹாரிகா மற்றும் ஐஷ்வர்யா ஆகியோர் முக்கிய கதாபாத்திரங்களில் நடித்திருந்தனர்.
இந்நிலையில், ஷேன் நிகாம் தனது 25-வது திரைப்படமான ‘பல்டி’யில் முக்கிய கதாபாத்திரத்தில் நடித்துள்ளார். இப்படத்தை அறிமுக இயக்குநரான உன்னி சிவலிங்கம் இயக்கியுள்ளார். படத்தில் ஷேனுடன் சேர்ந்து ப்ரீத்தி அஸ்ரானி மற்றும் சாந்தனு பாக்கியராஜ் முக்கிய வேடங்களில் நடித்துள்ளனர். கபடி விளையாட்டை மையமாகக் கொண்டு இப்படம் உருவாகியுள்ளது.
படத்திற்கு இசையமைத்துள்ளார் சாய் அபயங்கர். இது அவர் இசையமைக்கும் முதல் மலையாள திரைப்படமாகும். மேலும், பிரபல இயக்குநர் அல்போன்ஸ் புத்திரன் ‘பல்டி’யில் ‘சோடா பாபு’ என்ற கேங்ஸ்டர் கதாப்பாத்திரத்தில் நடித்துள்ளார். அவரின் வேடம் குறித்த கிளிம்ப்ஸ் வீடியோ சமீபத்தில் வெளியிடப்பட்டுள்ளது. இதில் அவர் மிகவும் முரட்டுத்தனமான தோற்றத்தில் காட்சியளிக்கிறார்.
‘பல்டி’ திரைப்படத்தை சந்தோஷ் குருவில்லா தயாரித்து வருகிறார். இது தமிழ் மற்றும் மலையாளம் இரு மொழிகளிலும் ஓனத்தை முன்னிட்டு வெளியாகும் என படக்குழுவினர் அறிவித்துள்ளனர்.
