‘Bad girl’ படத்தின் டீசரை சமூக ஊடகங்களில் இருந்து நீக்க உயர்நீதிமன்றம் உத்தரவு!

பிரபல இயக்குநர்கள் வெற்றி மாறன் மற்றும் அனுராக் காஷ்யப் இணைந்து தயாரித்துள்ள ‘Bad Girl’ திரைப்படத்தை வர்ஷா பரத் இயக்கியுள்ளார். இவர் வெற்றி மாறனின் முன்னாள் உதவி இயக்குநராக பணியாற்றியவர் என்பது குறிப்பிடத்தக்கது.

இத்திரைப்படத்தில் அஞ்சலி சிவராமன் முக்கிய கதாப்பாத்திரத்தில் நடித்துள்ளார். அவருடன் சாந்தி பிரியா, சரண்யா ரவிச்சந்திரன், ஹ்ரிது ஹரூன், டீஜே, சஷங்க் பொம்மிரெட்டிபல்லி மற்றும் பலர் நடித்துள்ளனர். இசை அமைப்பை அமித் த்ரிவேதி மேற்கொண்டுள்ளார்.

‘Bad Girl’ திரைப்படம், வளர்ந்து வரும் ஒரு டீனேஜ் பெண்ணின் ஆசைகள், கனவுகள் மற்றும் உலகத்தை அணுகும் விதம் குறித்து விவரிக்கிறது. இந்த திரைப்படம் U/A சான்றிதழுடன் வரும் செப்டம்பர் 5 ஆம் தேதி திரைக்கு வரவுள்ளது.

இந்நிலையில், சிறார்களை தவறாக சித்தரித்துள்ளதாக வழக்கு தொடரப்பட்டதை தொடர்ந்து, ‘Bad Girl’ திரைப்படத்தின் டீசரை சமூக ஊடகங்களில் இருந்து நீக்க, மதுரை உயர்நீதிமன்ற கிளை உத்தரவு பிறப்பித்துள்ளது.